Elshiniń mınıstrmen kezdesýi

Qazaqstannyń Kanadadaǵy elshisi Konstantın Jıgalov osy eldiń Memlekettik syrtqy ister jáne konsýldyq qyzmet mınıstri Lın Elıchpen kezdesti. Kezdesý barysynda ótken jyly mınıstr L.Elıch Astana ekonomıkalyq forýmyna alǵash­qy ret qatysqan Qazaqstan-Kanada áriptestiginiń sátti qory­tyn­dylaryn talqylady. Osydan soń QR Syrtqy ister mınıstriniń orynbasary Erjan Ashyqbaevtyń maýsymda Ottavaǵa jáne 2014 jylǵy qyrkúıekte Qazaqstan-Kanada parlamenttik “dostastyq tobynyń” teń tóraǵasy – Qaýymdar palatasynyń depýtaty Leon Benýa bastaǵan Kanada Parlamenti delegasııasynyń Almaty men Astanaǵa saparlary júzege asty. Olar, sony­men qatar, Atom qýatyn beıbit maqsattarda paıdalaný salasyn­daǵy yntymaqtastyq týraly úkimet­aralyq kelisimniń kúshine engenin jáne «Bombardier» kompanııasy­men «Q400» ushaq úlgilerin jetkizý men Qazaqstanda jańa áýe kompanııasyn qurý týraly О́zara túsinýshilik memorandýmyna qol qoıýyn qýattady. Áńgimelesý barysynda K.Jıgalov pen L.Elıch eki­jaq­ty saýda-ınvestısııalyq baıla­nystardyń mańyzdylyǵyn atap ótti. Qazaqstan-Kanada Is­ker­lik keńe­sin jaqyn arada qurý eki mem­le­kettiń ekonomıkalyq áriptesti­gine tyń serpin qosatyn bolady. L.Elıch Qazaqstanda qyzmet etetin kanadalyq kompanııalardyń demeýshilik qoldaýymen iskerlik maǵlumatnamalardyń basylymyn qoshemettedi. Iskerlik maǵ­lu­matnama kanadalyq ınvestı­sııa­lardy Qazaqstan ekonomıka­syna tartý men iskerlik baıla­nys­tarynyń keńeıýine baǵyttalǵan. Taraptar ekijaqty qatynas pen ózekti halyqaralyq máselelerdi, sonyń ishinde Qazaqstannyń 2017-2018 jyldary BUU Qaýipsizdik Keńesine turaqty emes múshelikke ótýi boıynsha qazirgi jaǵdaıy talqylandy. Elshi mınıstrdi Prezıdent N.Á.Nazarbaevtyń Qazaqstan halqyna «Nurly Jol – bolashaqqa bastar jol» atty Joldaýynyń negizgi tezısteri jaıynda habarlady. «Egemen-aqparat».