Sýretterdi túsirgen – Aqádil RYSMAHAN
Qorshaǵan ortany qorǵaý, ekologııalyq mádenıetti qalyptastyrý maqsatynda qolǵa alynǵan aksııa aıasynda «Báıterek» shaǵyn aýdanyndaǵy №3 mektep-lıseı mańyna 150 kóshet otyrǵyzyldy. «TazaLike» aksııasy sodan soń elimizdegi eń iri shaǵyn aýdan sanatyna engen «Uly dala» yqsham aýdanynda jalǵasty. Resmı derekke súıensek, «Uly dala» shaǵyn aýdanynda 500 dana kóshet egildi.
«TazaLike» aksııasy odan ári «Taza qala» is-sharasyna ulasty. Taraz, Jańatas, Qarataý, Shý qalalarynyń turǵyndary bul kúni kúl-qoqystardy shyǵaryp, aryq-atyzdar men arnalardy qoqystan tazartty.
Oblys ákimdigi baspasóz qyzmeti keltirgen derekke júginsek, «TazaLike» aksııasy 20 sáýirge deıin jalǵasady. Oǵan óńirdiń barlyq aýdany úles qosady. О́ńir basshysynyń orynbasary Qanatbek Mádibektiń aıtýynsha, «Taza Qazaqstan» ekologııalyq aksııasy aıasynda bıylǵy jyly da aýqymdy jumys atqarylady. О́ńirde kógaldandyrý jumysyna 1,2 mlrd teńge qarjy qarastyrylǵan.
«Oblys ortalyǵy Taraz qalasynda «Jambyl Cement» kompanııasynyń yqpal etýimen 3,6 myń, «Taraz metallýrgııalyq zaýyty» ujymynyń qoldaýymen 10 myń kóshet otyrǵyzý josparlanǵan», deıdi Q. Mádibek.
Sarysý aýdany aýmaǵynda ornalasqan «Qazaq soda» kompanııasynyń ókilderi 27 myń kóshet otyrǵyzýdy meje tutyp otyr. Jergilikti ákimdiktiń yqpal etýimen bastalǵan bastama aıasynda ujym ekomádenıetti qalyptastyrýǵa, saqtaýǵa barynsha úles qospaqshy. Jalpy, ekologııalyq aksııaǵa úles qosýǵa bekingen birqatar kompanııa men zaýyt ókilderiniń kóp kúttirmeı, iske qyzý kirisip jatqany kóńil qýantady.
Naýryznamanyń tazarý kúni aıasynda da birqatar jumys atqaryldy. Saıabaqtar men kóshelerde tazartý jumysy júrgizildi. Oblystyq jastar resýrstyq ortalyǵynyń yqpal etýimen, «Jasyl el» eriktilerinen jasaqtalǵan jastar oblys ortalyǵyndaǵy «Densaýlyq» saıabaǵyndaǵy aryq-atyzdy, kúre jol boıyndaǵy kúl-qoqysty tazalady.
О́ńirdegi kógaldandyrý jumysy ilki sátke de toqtamaq emes. Bıyl Taraz qalasy men aýdandarda 195 myń kóshet otyrǵyzý josparlanǵan eken. Sondaı-aq egilgen kóshetterdi sıfrlandyrý jumysy da josparǵa saı júzege asyrylyp jatyr.
«Jalpy alǵanda búgingi kúnge deıin «Bolashaqty birge otyrǵyzamyz» aksııasyn ótkizip úlgerdik. Nátıjesinde, 28,9 myń kóshet egildi. Oǵan 381 mekteptiń 47,8 myń bilim alýshysy atsalysty. Qolǵa alynǵan «Úlgili aýyl», «Úlgili aýla» baıqaýlary arqyly óńir turǵyndarynyń qorshaǵan ortaǵa qamqorlyqpen qaraýyna den qoıý josparymyzda bar», deıdi Q.Mádibek.
Jaqynda josparǵa sáıkes Taraz qalasyndaǵy «Áýlıeata» aýdanynda «Taza aýla – taza qala» aksııasy ótkizildi, óńirdiń birqatar aýdanynda «Taza aýla» is-sharasy uıymdastyryldy. Nátıjesinde, úzdikter anyqtalyp, marapattaldy.
Jalpy alǵanda, óńirde «Taza Qazaqstan» ekologııalyq aksııasy aıasynda birqatar aýqymdy is-shara ótkizý kózdelgen. Sanıtarlyq tazalyq, abattandyrý, kógaldandyrý jumysyna 8,3 mlrd teńge somasynda qarajat qarastyrylǵan. Bólingen qarjy esebinen tarıhı-mádenı eskertkishterdiń tóńiregin, saıabaq pen skver aýmaǵyna tazalyq jumysyn júrgizýge, abattandyrý jumysyn iske asyrýǵa basymdyq berilmek.
«О́ńirdiń «Jasyl beldeý» josparyna sáıkes atqarylatyn jumys az emes. Bıyl 195 myń jasyl jelek otyrǵyzylady. Sondaı-aq egiletin kóshetterdi kútip ustaý, olardy sýarý júıesimen qamtamasyz etý, qorshaý ornatý jumystary da basty nazarda bolady.
О́ńirdiń eldi mekenderindegi jasyl jelekti kútip-ustaý, qorǵaý qaǵıdalaryna sáıkes, Taraz qalasyndaǵy aǵashtardy sıfrlandyrý maqsatynda 40 mln teńge qaralyp, 48,6 gektar aýmaqtaǵy 30 018 dana tal-daraq esepke alyndy», deıdi Q.Mádibek.
Jambyl oblysy
