Foto: x.com/WeatherMonitors
AQSh-tyń Geologııalyq qyzmetiniń málimetinshe, jer silkinisiniń dúmpýleri 640 mıl (shamamen 1030 shaqyrym) qashyqtyqtaǵy Bangkokta da sezilgen.
Apat saldarynan Taıland astanasynda salynyp jatqan 30 qabatty ǵımarat qulap, bir adam qaza taýyp, 43 jumysshy úıindi astynda qalǵan. Qalada tótenshe jaǵdaı jarııalanyp, metro júıesiniń jumysy ýaqytsha toqtatylǵan.
Mıanmada, ásirese Mandalaı qalasynda, tarıhı ǵımarattar men joldar qatty zaqymdanǵan. Taýngý qalasynda mekteptiń qulaýy saldarynan 20-dan astam bala úıindi astynda qalǵan.
Sonymen qatar jer silkinisi Qytaıdyń Iýnnan jáne Sychýan provınsııalarynda da sezilip, Rýılı qalasynda zaqymdar men jaraqattar tirkelgen.
Qazirgi ýaqytta zardap shekken aımaqtarda qutqarý jáne qalpyna keltirý jumystary júrgizilip jatyr.
