«TSARKA Group» sarapshylary ázirlegen «Nomad Guard» qyzmetiniń ıntegrasııasy «Mobıldi azamattar» bazasyndaǵy derekter negizinde aqparattyń avtomatty túrde tekserilýin qamtamasyz etedi. Azamattar ESQ arqyly júıege kirgennen keıin, servıs avtomatty túrde derekterdi taldap shyǵady. Eger qandaı da bir aqparat taralyp ketkeni anyqtalsa, paıdalanýshyǵa 1414 nómirinen SMS jáne «eGov Mobile» qosymshasy arqyly habarlama jiberiledi.
Mundaı eskertý arqyly azamat óz derekteriniń qaýipsizdigine nazar aýdaryp, alaıaqtardan saqtaný úshin shuǵyl shara qabyldaı alady. Sebebi jeke málimetter darknet pen Telegram arnalaryna tarap ketse, alaıaqtar quryǵyna túsirýi múmkin.
«Web-Totem» kompanııasynyń basshysy Rýslan Týrgeldınovtiń aıtýynsha, bul qyzmet derekter qaýipsizdigin arttyryp, azamattardyń jeke aqparatymen jasalatyn alaıaqtyqtyń aldyn alýǵa kómektesedi. Qazir bul fýnksııa testileýdiń sońǵy kezeńinde, jaqyn arada «eGov Mobile» júıesinde qoljetimdi bolady.
