«Samǵaý» ortalyǵynda túrli sheberlik sabaqtary men shyǵarmashylyq dárister ótkizetin 50-den astam bilikti pedagog jumys isteıdi. Ortalyq Ekibastuz qalasy balalarynyń 70%-na deıin qosymsha bilimmen qamtyp, olardyń qabiletterin ashyp, shyǵarmashylyq áleýetin júzege asyrýǵa kómektesedi.
Birinshi qabatta bı jáne teatr zaldary, sondaı-aq jeke mýzyka dáristerine arnalǵan bólmeler men 275 oryndyq kórermen zaly ornalasqan. Balalar horeografııamen, teatr ónerimen, vokalmen, aspapta oryndaý sheberligimen aınalysa alady.
Ekinshi qabatta bıologııa zerthanasy, landshaftyq arhıtektýra men florıstıkalyq dızaın stýdııalary, debat, medıa ortalyqtar, sondaı-aq fashion-stýdııa bar. Úshinshi qabat tolyǵymen IT-tehnologııalarǵa arnalǵan: munda robottehnıka men kompıýterlik modeldeý klýbtary ornalasqan.
Sonymen qatar Ortalyqta psıhologııalyq-pedagogıkalyq qoldaý kabınetteri, ústel tennısi aımaqtary, jattyǵý zaly bar.
