Shyǵyn eseptelip jatyr

Jer dúmpýiniń saldaryn bilmek nıet­pen óńir basshysy Erbol Qarashókeev bastaǵan top tań bozynan Merki jáne Turar Rysqulov aýdanyna at basyn buryp, jedel shtab otyrysyn ótkizdi. Keıin bir­qatar aýyldy aralady. Anyqtalǵandaı, birneshe mańyzdy nysan men turǵyn úılerdiń qabyrǵasy búlingen.

О́ńir basshysynyń tapsyrmasy­na sáıkes qurylǵan shtabty oblys ákiminiń orynbasary Qanatbek Mádibek basqarsa, onyń quramyna azamattyq qorǵaý qyzmetiniń, jergilikti atqarýshy organdardyń, tıisti vedomstvolardyń ókilderi endi. Issapar barysynda Merki aýdandyq aýrýhanasy, Merki aýylyndaǵy «Baldáýren» balabaqshasy jáne Taldy­bulaq aýylyndaǵy turǵyn úıdiń as ból­mesinde qabyrǵa jaryqshaqtary paıda bolǵany anyqtaldy. Sondaı-aq Turar Rysqulov aýdany Abaı aýylyndaǵy turǵyn úıdiń, Jańaturmys eldi mekenindegi
6 baspananyń, aýyldyq mekteptiń, Kamenka aýylyndaǵy mádenıet úıiniń qabyrǵasyna syzat túsken.

Arnaıy komııassııa músheleri óńir bas­shy­synyń tapsyrmasyna sáıkes keltirilgen shyǵyndy anyqtaý jumysyn bastady. Komıssııa quramynda Tótenshe jaǵdaılar mınıstrligi seısmologııalyq baıqaý jáne zertteýler ulttyq ǵylymı ortalyǵynyń ókilderi bar. О́ńir bas­shysynyń tikeleı tapsyrmasyna sáıkes aınalma joldar da nazardan tys qalǵan joq. Máselen, Merki aýdanynda 55 adam, 33 birlik tehnıka, Turar Rysqulov aýdanynda 65 adam, 40 birlik tehnıka jumyl­dy­rylǵan.

«KAJservıs» JShS oblystyq fılıa­ly­nyń qyzmetkerleri (25 adam, 19 tehnıka) Merki jáne T.Rysqulov aýdandaryndaǵy respýblıkalyq mańyzy bar avtomobıl joldarynyń (5 kólik aıryǵy, 2 temirjol ótkeli jáne 3 kópir) jaı-kúıin tekserip jatyr. 45 eldi mekenge zertteý jumysy júrgizildi. Qyrǵyz Respýblıkasynyń Tóten­she jaǵdaılar mınıstrligimen ózara is-qımyl kezekshi bólim arqyly uıym­das­ty­ryldy. Shoń-Qaqpa jáne Orto-Toqaı sýqoı­­­ma­lary qalypty rejimde jumys istep tur.

Turǵyndarmen der kezinde kezdesýler uıymdastyrylyp, túsindirý jumystary júr­gizildi. Halyqtyń densaýlyǵy men ómi­rine qaýip tónip turǵan joq. Jedel shtab jaǵdaıdy baqylaýda ustap otyr. Jedel den qoıý jasaqtary daıyndyqqa kel­tirildi, óńirde táýlik boıy kezekshilik uıymdastyrylyp jatyr. Polısııa men TJD qoǵamdyq qaýipsizdikti qamtamasyz etý boıynsha tıisti sharalar qabyldady.

Jambyl oblysy