20-28 naýryzda Vrnıachka-Banıa qalasynda (Serbııa) shahmattan mektep oqýshylary arasyndaǵy 2025 jylǵy Álem chempıonaty (FIDE World School Chess Championships 2025) ótti.
Zepter Hotel Vrnjacka Banja qonaq úıiniń konferens-zalynda 44 elden kelgen 470 qatysýshy, sonyń ishinde balalar-jasóspirimder quramasynyń bas jattyqtyrýshysy, grossmeıster Evgenıı Vladımırovtyń «qaraýymen» Qazaqstannyń 40 jas shahmatshysy 9 kún boıy baq synasty. Osy oraıda shveısarııalyq júıe boıynsha 90+30 klassıkalyq ýaqyt baqylaýy jasalatyn (bir partııaǵa 90 mınýt berilip, ár jasalǵan júris úshin birinshiden bastap 30 sekýnd qosylady), 9 týrdan turatyn asa qıyn joldy esh múdirmeı eńserý báriniń qolynan kele bermeıtini anyq.
Qazaqstan shahmatshylarynyń arasynda birinshi bolyp astanalyq 7 jasar Abdýl-Málik Qaırat 2025 jylǵy álem chempıony atandy – onyń chempıon bolatyny merziminen buryn, márege bir týr qalǵanda anyq edi. Soǵan qaramastan, ol sońǵy týrda da jeńiske jetýdi maqsat qoıyp, aqyrynda 9 partııanyń bárinde de jeńimpaz atandy!
Al onyń jerlesi Alısha Bısalıevanyń (9 jasqa deıingiler sanaty) sońǵy týrda mindetti túrde jeńiske jetýi kerek edi: osy jaǵdaıda ǵana onyń mońǵol oıynshysy Shagdarsýren Ýranzaıanyń qandaı nátıjege jetetinine esh alańdamaýyna bolatyn, óıtkeni olardyń jeke kezdesýinde Alısha basym túsken. Sonymen, bizdiń shahmatshy qyzymyz jeńiske jetti!
Sońǵy týrǵa deıin jeke-dara kósh bastaǵan astanalyq Álimjan Jaýynbaı (11 jasqa deıingiler) men almatylyq Artıom Bogdanovtyń (17 jasqa deıingiler) qosymsha kórsetkish – jeke kezdesý nátıjeleri men qysqartylǵan Býhgols koeffısıentiniń ózderin ókshelep kele jatqan qarsylastaryna qaraǵanda jaqsyraq bolýynyń arqasynda partııany teń oıynmen aıaqtaýyna da bolatyn. Endeshe ekeýi de degenine jetti. Álimjan qarsylasyna kúsh pozısııasy turǵysynan partııany teń oıynmen aıaqtaýdy usyndy. Al 14 jasar Artıom ózinen jasy áldeqaıda úlken qarsylastaryn basyp ozdy!
Qyzý tartysta tamasha oıyn kórsetken Túrkistan oblysynyń shahmatshysy Nurıslam Sultanhan (9 jasqa deıingiler), Aqtóbe oblysynan kelgen Hanzada Amanjol (13 jasqa deıingiler) jáne Astanaǵa ókildik etken Málıka Japparbekova (15 jasqa deıingiler) kúmis júldeger atansa, almatylyq Nurmuhammed Qabınazar (15 jasqa deıingiler) qola júldeni jeńip aldy.
4 altyn medal alǵan Qazaqstannyń komandalyq esepte de kósh bastaǵany qısyndy. О́zbekstandyq kórshilerimizdiń enshisinde 3 altyn medal bolsa, 2 altyn, 1 kúmis medal alǵan Mońǵolııa 3-shi orynǵa jaıǵasty.
U7: 1. Abdýl-Málik Qaırat (1601) – 9 upaı; 2. Om Esh Gottýmýkala (Úndistan, 1413) – 7½; 3. Oskar Fathlıslamov (FID, 1426) – 6½.
G7: 1. Pragnıka Vaka Lakshmı (Úndistan, 1437) – 9 upaı; 2. Mohınýr Azamhýdjaeva (О́zbekstan, 0) – 7; 3. Vera Szıntıan Ksıý (Jańa Zelandııa, 0) – 7.
U9: 1. Nýrmýhammad Nematıllahonov (О́zbekstan, 1767) – 7½ upaı; 2. Nurıslam Sultanhan (1649) – 7; 3. Fıodor Bondarev (FID, 1598) – 7.
G9: 1. Alısha Bısalıeva (1599) – 8 upaı; 2. Shagdarsýren Ýranzaıa (Mońǵolııa, 1530) – 8; 3. Madınaboný Azatova (О́zbekstan, 1525) – 7½.
U11: 1. Álimjan Jaýynbaı (1927) – 7 upaı; 2. Leonıd Ivanovıch (Serbııa, 2015) – 7; 3. CM Alı Poıraz Ýzdemır (Túrkııa, 2184) – 6½.
G11: 1. WCM Chınzorıg Nandınjıgýýr (Mońǵolııa, 1770) – 8 upaı; 2. WCM Dıvı Bıdjesh (Úndistan, 1827) – 8; 3. Dorjderem Mýnh-Aıalgýý (Mońǵolııa, 1689) – 6½.
U13: 1. FM Matfeı Iýrasov (FID, 2271) – 7½ upaı; 2. Bılolıddın Obıdov (О́zbekstan, 2020) – 7; 3. Mıroslav Batýrın-Vınogradov (FID, 1912) – 7.
G13: 1. Sarvınoz Begmýratova (О́zbekstan, 1808) – 7½ upaı; 2. WFM Hanzada Amanjol (1908) – 6½; 3. Sofııa Gaer (FID, 1733) – 6½.
U15: 1. FM Gleb Sheglov (FID, 2306) – 8 upaı; 2. Erekle Tabatadze (Grýzııa, 2180) – 7; 3. Nurmuhammed Qabınazar (2057) – 7.
G15: 1. WFM Nılýfarhon Imomkýzıeva (О́zbekstan, 1983) – 7 upaı; 2. Málıka Japparbekova (1878) – 6½; 3. WFM Lennıs Ferrer Naranho (Kýba, 1950) – 6.
O17: 1. FM Artıom Bogdanov (2373) – 7 upaı; 2. Andreı Lepıch (Serbııa, 2337) – 7; 3. Hondamır Elmırzaev (О́zbekstan, 2036) – 6½.
G17: 1. WCM Batpelden Býıanhıshıg (Mońǵolııa, 1907) – 7½ upaı; 2. WFM Anastasııa Kırtadze (Grýzııa, 2180) – 7; 3. Esandı M Nıýansa (Shrı-Lanka, 1801) – 6.
2024 jyly mektep oqýshylary arasyndaǵy álem chempıonaty Perý astanasy Lımada ótti. Sol joly qashyqta jatqan Ońtústik Amerıka elinen Qazaqstannyń tórt shahmatshysynyń ekeýi júldemen oraldy: astanalyq Aıarý Altynbek 13 jasqa deıingiler sanatynda altyn medal alsa, Qostanaı oıynshysy Iman Nábıev (O9) qola júldege ıe boldy.
