«Til - Eldiktiń týy!» degen sózde tereń mán jatyr. Til arqyly biz ózimizdi tanımyz, bir-birimizben baılanysymyzdy nyǵaıtamyz, ult retinde ózimizdiń derbes ekenimizdi dáleldeımiz.
Til – halyqtyń jadynda, júreginde saqtalatyn, urpaqtan-urpaqqa beriletin asyl mura. Qazaq tili – bizdiń ulttyq kodymyz, mádenıetimizdiń negizi. Ol arqyly biz ata-baba dástúrlerimizdi, ulttyq qundylyqtarymyzdy, ónerimiz ben ádebıetimizdi urpaqtarǵa jetkizemiz. Qazaq tiliniń mártebesin kóterý, ony damytý – árbir azamattyń paryzy.
Búginde elimizde til saıasatyna erekshe kóńil bólinýde. Memlekettik tildiń qoldanys aıasyn keńeıtý, jastardy qazaq tilinde oqytý, memlekettik mekemelerde qazaq tilin meńgerý – bul baǵyttaǵy mańyzdy qadamdar. «Qazaqstan-2050» strategııasynda da til máselesi aıryqsha oryn alady. Til arqyly biz elimizdiń birligin, tutastyǵyn, mádenıetin nyǵaıta alamyz.
Alaıda, til máselesinde áli de sheshilmegen problemalar bar. Kóptegen jastardyń orys tilinde sóılesýi, qazaq tiliniń keıbir salalarda qoldanylmaýy – bul bizdiń ulttyq bolmysymyzǵa qaýip tóndiredi. Sondyqtan, biz tildiń mártebesin kóterý úshin, ony kúndelikti ómirimizde belsendi qoldanýymyz kerek. Til – bizdiń bolashaǵymyzdyń kilti, sondyqtan ony qadirleý, damytý – árbir qazaqtyń mindeti.
Til - eldiktiń týy bolsa, onda osy týymyzdy kóterý, qorǵaý, damytý – bizdiń ortaq boryshymyz. Qazaq tiliniń bolashaǵy – bizdiń qolymyzda. Árbir sóz, árbir sóılem – bul bizdiń ulttyq sanamyzdyń aınasy. Sondyqtan, tilge degen súıispenshiligimizdi, qurmetimizdi arttyra otyryp, eldigimizdi nyǵaıtýymyz qajet.
Endeshe, til – eldiktiń týy! Bul týymyzdy bıik ustaý, tildiń qudiretin túsiný – bizdiń jaýapkershiligimiz. Til arqyly biz birligimizdi, tatýlyǵymyzdy, mádenıetimizdi saqtap, urpaqtarymyzǵa jetkizetin bolamyz. Til – bizdiń ulttyq maqtanyshymyz, sondyqtan ony qorǵap, damytý – bizdiń basty mindetimiz!
Rınat Nuraqbaev, Jambyl oblysy ákimdiginiń mádenıet jáne tilderdi damytý basqarmasynyń «Tilderdi oqytý ortalyǵy» KMQK Aqparattyq jáne uıymdastyrý bóliminiń basshysy
