Mal amandyǵyna mán bersek

Tıisti oryndar qyzyl sý qys­paqqa alǵan jaǵ­daıda aýyl­sha­rýa­­shylyq shyǵyndarynyń aldyn alatyn, tórt túliktiń qaýip­­sizdigin qamtamasyz etetin arnaıy evakýasııa oryn­da­ry­nyń kartasyn ázirlep qoıdy. Atalǵan kartada qa­ýip­­siz tu­raq­tardyń orny qaı jer­de, oǵan neshe mal syıady, maldy qalaı aıdap aparý kerek, sý qursaýynda qalǵan tórt tú­likke jemshóp qaıtip jet­ki­zi­­ledi de­gen máselelerge deıin naq­ty­lan­­ǵan.

Aqparattyq shtabtyń máli­metinshe, búginge deıin byltyr alapat tasqyn bolǵan aımaq­tardaǵy maldyń deni evakýa­sııa­lanǵan. Máselen, Arqalyq qala­syna qarasty Ekidiń, Qa­ıyńdy, Ábdiǵapar han, Jal­ǵyz­tal eldi mekenderindegi 14 sharýa qojalyǵynyń maly qaýipsiz jerlerge kóshirilgen. Amangeldi aýdanynda 77 qoja­lyqqa qarasty 43 qystaq pen Úrpek, Qabyrǵa, Qumkeshý aýyldaryndaǵy mal túgeldeı qaýipsiz aımaqqa shyǵaryldy. Qalǵan 34 qojalyqtyń maly jaqyn kúnderi kóshirilmek.

Jergilikti atqarýshy organdar men TJD ókilderi mal ıelerine qaýipti jaǵdaıdyń jónin túsindirip, mal turaǵyna arnalǵan ýaqytsha oryndardy daıyndaý, jemshóp qorymen qamtamasyz etý sııaqty keshendi daıyndyq jumystaryn oıda­ǵy­daı atqaryp shyqty.

Sonymen qatar shalǵaıda jatqan Jangeldın aýdanyn­da da sý tasqyny qaýpi bar aı­maqtar jiti zertteldi. Nátı­je­sinde, qaýipti aımaqta orna­lasqan 41 sharýa qojalyǵy anyq­talyp, bul jóninde jer­gi­likti tur­ǵyn­dar habardar etildi. Búgin­ge deıin 13 qoja­lyqtyń maly qaýipsiz jerge kóshirildi. 

Qostanaı oblysy