Ataýly jyldaǵy aýqymdy sharalar

Jalpy, statıstıkalyq máli­met­ter óńirdegi eńbek naryǵynda 334,8 myń adam jumyspen qam­tyl­ǵanyn kórsetip otyr. Osy­nyń 52,2%-y – jumysshy maman­dyqtary. Olar negizinen ekonomı­kanyń kólik, aýyl sharýashylyǵy, densaýlyq saqtaý jáne áleýmettik qyzmet kórsetý, saýda, qurylys pen  ónerkásip salalarynda basymdaý bolyp tur. Ataýly jyl aıasynda jumysshy mamandyqtar boıynsha bilim alatyn jastar qataryn kóbeıtý maqsatynda memlekettik tapsyrystyń kólemi 700 orynǵa artyp otyr.

Orta býyn mamandar ázirleı­tin kolledjderge de talap kú­sheıe túsedi. Oblystyq bilim bas­qarmasy basshysynyń orynbasary Bekjan Esenbaevtyń aıtýynsha, bilim sapasyna baılanysty oqý oryndarynyń arnaıy reıtıngi qalyptastyrylady. Bul oqý oryndarynyń básekege qabi­letti kadrlar daıarlaýdaǵy áleýe­tin aıqyndaıtyn basty shart bolmaq. Bıyl halyqaralyq talaptarǵa sáıkes sheteldik oqý oryndarymen áriptestik baılanysqa jol ashylady. Qazir Mánshúk Mámetova atyndaǵy Qyzylorda pedagogıkalyq jo­ǵary kolledji Germanııa mem­leketiniń Leıpsıg ýnıversı­tetimen pedagogıka, psıhologııa mamandyǵy boıynsha, sondaı-aq Isataı Ábdikárimov atyndaǵy Qyzylorda agrarlyq-tehnıkalyq joǵary kolledji  AQSh-tyń bilim uıymdarymen ynty­maqtastyq ornatty.

О́ńirdegi 28 kolledjdiń 19-yn­da  jumysshy kadrlar daıarlanady. Bıyl kásiptik-tehnıkalyq bilim beretin uıymdar ázirleıtin mamandyqtarǵa profılızasııa­laý júrgizilip, birneshe oqý oryndarynda qatar daıarlanatyn ma­mandyqtar men biliktilikter bo­ıynsha memlekettik lısenzııalar keri qaıtarylady.

«2024–2025 oqý jylynda res­pýblıkalyq jáne jergilikti bıýd­jetter esebinen 4 608 orynǵa memlekettik tapsyrys boıynsha talapkerler oqýǵa qabyldandy. Onyń ishinde kásiporyndardyń suranysy boıynsha 356 oryn maqsatty memlekettik tapsyrys negizinde 3 jaqty kelisimshartpen júzege asyrylyp otyr. Bıyl 400 stýdent maqsatty memlekettik tapsyrys boıynsha oqýǵa qabyl­danady», deıdi basqarma basshy­synyń orynbasary.

Memleket basshysynyń tap­syr­masyna sáıkes bıyl 9-sy­nypty bitirýshiler arasynan jumysshy, orta býyn maman­dyqtaryn ıgerýge nıetti jas­­tar­dy tolyq tegin kásip­tik bilim­men qamtý josparyna sáıkes 5 308 oryndyq memlekettik tapsy­rys bólinip otyr. Bul rette aımaqtaǵy eńbek naryǵyna qa­jett­i, suranysqa ıe mamandyq­tar­dyń uzaqmerzimdi boljamyn esepke alǵan jańa kásipter atlasy ázirlenýi kerek. Qorqyt ata atyndaǵy Qyzylorda ýnıver­sıteti osy maqsatta 20 qyzmet­kerdi arnaıy oqýdan ótkizgen. Jyl sońyna deıin daıarlanatyn mamandyqtar atlasynda ıh­tıolog, omartashy, ańshylyq jáne ań ósirý sharýashylyǵy, qus sharýashylyǵy, jylyjaı sharýa­shylyǵyn uıym­dastyrýshy, toqyma óndirisi, ósimdik sharýa­shy­lyǵy ónimderin óndirý jáne qaıta óńdeý tehnologııasy, saıabaq sharýashylyǵy, nan pisirý, makaron jáne kondıter óndirisi, et jáne et ónimderin óndirý, qaldyqtardy qaıta óńdeý, qat­ty turmystyq qaldyqtardy suryp­taýshy operator, IT-robot­­­tehnıka, IT-mehatronıka maman­dyqtary qamtylmaq.

Oblystyq jumyspen qamtýdy úılestirý jáne áleý­mettik baǵ­darlamalar basqar­masy da ataýly jylǵa baılanys­ty aýqymdy sharalar jospar­lap otyr. Sonyń biri – bıyl eńbek naryǵy zárý bolyp otyrǵan mamandyqtar boıynsha 525 jumyssyz qysqamerzimdi kýrstardan ótedi. «Skılls Eńbek» elektrondy bilim portaly arqyly tegin biliktiligin arttyrý sabaǵynan byltyr oblysta 3 myń jumyssyz ótse, bıyl 20 myńnan asa adamdy qamtý mejelengen.

«Jyl ishinde «Jumys kúshiniń utqyrlyǵyn arttyrý úshin adam­dar­dyń erikti túrde qonys aýdarýyn uıymdastyrý» jobasy aıa­synda óńirde Pavlodar, Qos­ta­naı, Soltústik Qazaqstan, Shy­ǵys Qazaqstan, Ulytaý, Abaı oblys­taryndaǵy bos jumys orynda­ry jármeńkesin ótkizý de jal­ǵa­syn tabady. Jyl saıyn uıym­­das­tyrylyp kele jatqan osyn­­daı jármeńkelerde talaı jer­­les­imiz jumys kúshi jetis­peı­­tin aımaqtardan ózine qolaı­ly kásip taýyp, qonys aýdaryp ja­tyr. Sonymen qatar bıyl «Eń­bek joly» konkýrsy aıasynda qyzme­tinde úzdik dep tanylǵan, aımaq da­mýy­na eńbegi sińgen jandar dárip­teledi. Bul konkýrsqa qatysýǵa óti­nim­der «Eń úzdik eńbek áýleti», «О́ndiristiń eń jas jumyskeri», «Jumys izdeýshi jastardyń eń úzdik tálimgeri», «О́ndiristegi eń úzdik qarapaıym jumysshylar» atalymdary boıynsha qabyl­danady», deıdi oblystyq ju­mys­­pen qamtýdy úılestirý jáne áleý­mettik baǵdarlamalar basqar­masy basshysynyń orynbasary J.Dáýletbaeva.

QYZYLORDA