Foto: Qala ákimdigi
Zeınetkerler úshin tegin úıirmeler men seksııalar jumys isteıdi. Búginde ońaltý gımnastıkasy, trenajerlik zal, ıoga, skandınavııalyq serýen, toǵyzqumalaq, shahmat, tennıs, eńbek terapııasy, áleýmettik jeliler úıirmeleri men profılaktıkalyq massaj bar. Aldaǵy ýaqytta áleýmettik-saýyqtyrý, áleýmettik-eńbek, áleýmettik-áýesqoı baǵyttarynda úıirmeler ashý josparǵa alynǵan.
Ortalyqqa zeınetkerlerdi tirkeý 17 naýryzdan bastalyp, qazirge deıin Saraıshyq aýdany boıynsha 60 adam tirkelgen eken. Alǵashqy sabaqtar ońaltý gımnastıkasy men tennısten jáne toǵyzqumalaqtan ótti.
«Ortalyq fılıaldary Almaty aýdany boıynsha R.Qoshqarbaev kóshesi, 29/1 úıde, Baıqońyr aýdany boıynsha Abaı kóshesi, 46 úıde, Esil aýdany boıynsha Dostyq keshesi, 13 úıde, Saryarqa aýdany boıynsha Beıbitshilik kóshesi, 25 úıde, Nura aýdany boıynsha Tóle bı kóshesi, 44 úıde ornalasqan», delingen Astana ákimdiginiń resmı saıtynda.
Búginde qalanyń 15 myńnan astam zeınetkeri tegin úıirmelerge qatysyp jatyr.
