Foto: gov.kz
Jumys aıasynda eski tańbalar alynyp, jańa syzyqtar belgilenedi.
Tańbalaý kezinde aýa raıy jaýyn-shashynsyz bolyp, aýa temperatýrasy +10°C-tan tómen emes jáne aýanyń salystyrmaly ylǵaldylyǵy 85%-dan aspaý kerek. Mundaı sharttardy oryndaý boıaýdy, sýyq plastıkti jáne termoplastıkany qosa alǵanda, arnaıy jol belgilerin durys qoldanýda asa mańyzdy.
«2025 jyly qalanyń jalpy aýdany 430 myń m2 bolatyn 190 kóshesinde jol belgilerin qoıý boıynsha jumystardy oryndaý josparlanyp otyr. Basym baǵyttardyń biri «balalar qaýipsizdigi» baǵdarlamasyn iske asyrý bolyp sanalady, ol balalar mekemeleri men mektepterdiń janynda ornalasqan aýdandardy qamtıdy. Bul baǵdarlama jaıaý júrginshiler úshin, ásirese balalar úshin qaýipsiz jaǵdaı jasaýǵa jáne oqý oryndary mańyndaǵy jol apattarynyń aldyn alýǵa baǵyttalǵan», delingen Astana qalasy ákimdiniń habarlamasynda.
Tańbalaýdy jańartý boıynsha jumystar qolaıly aýa raıy bolǵanǵa deıin kúndiz júrgiziledi.
Osyǵan baılanysty ákimdik jolda sabyrlyq saqtap, belgilengen erejeni buzbaýǵa shaqyrady.
