Foto: Depositphotos
Maıly daqyldardyń alqaby – 161 myń gektarǵa artyp, 2025 jyly 430 myń gektardy quraıdy. Sondaı-aq, kartop pen kókónis egistigi keńeıtildi. Al, mal azyǵy daqyldarynyń alqaby 2024 jylǵy deńgeıde saqtaldy – 416 myń gektar.
Tuqym daıyndaý jumystary tolyq aıaqtaldy. 540,2 myń tonna tuqymnyń 444,4 myń tonnasy (josparlanǵan kólemniń 82,3%) tekserilgen.
Budan bólek, mıneraldy tyńaıtqysh engiziletin alqap 78 myń gektarǵa ulǵaıtylmaq. Otandyq óndirýshilermen 66,9 myń tonna tyńaıtqysh jetkizýge 266 kelisimshart jasalǵan.
Tehnıka daıyndyq deńgeıi 100%-dy quraıdy. Egis jumystaryna 37 myń birlik tehnıka jumyldyrylady.
Aýyl sharýashylyǵy mınıstrliginiń málimetinshe kóktemgi dala jumystaryna 82,9 myń tonna jeńildetilgen dızel otyny bólindi. Bıyl aqpan-naýryz aılarynda aýyl sharýashylyǵy taýaryn óndirýshiler úshin otynnyń baǵasy lıtrine 254 teńgeni qurady, bul naryqtyq baǵadan 15%-ǵa tómen.
Úkimettiń qoldaýynyń arqasynda kóktemgi egis jumystary úshin erte qarjylandyrý qamtamasyz etildi. «Keń dala» baǵdarlamasy sheńberinde jeńildetilgen nesıe alý úshin jalpy somasy 96,5 mlrd teńgege 606 ótinim tústi, onyń ishinde 65,9 mlrd teńgeni quraıtyn 413 ótinim maquldanyp, qarjylandyrý kezeńinde tur.
