Foto: Vıdeodan alynǵan kadr
Jol qozǵalysyn retteý úshin jeńil avtokólikter qalanyń ishki joldary arqyly aınalyp óte alady. Al júk kólikterine «Peterfeld – Arhangelka – Novokamenka» baǵytymen júrýge ruqsat berilgen.
Sonymen qatar Soltústik Qazaqstanda sý tasqyny kúsheıdi. Aımaqta Esil ózeni men shaǵyn ózenderdegi sý deńgeıi kóterilip jatyr.
«Qazgıdromet» málimetinshe, Toqsan bı aýylynda Esil ózeni bir táýlikte 171 sm-ge kóterilgen (qaýipti deńgeıge jetý úshin taǵy 1000 sm kerek). Al Kreshenka aýylynda sý deńgeıi 56 sm-ge, Sergeevka mańynda 45 sm-ge kóterildi. Sondaı-aq Petropavl sý qoımasynda sý deńgeıi bir táýlikte 10 sm-ge artty.
Qazirgi ýaqytta sý tasqynyna qarsy mamandar táýlik boıy kezekshilik jumystaryn júrgizip jatyr. Jaǵdaı baqylaýda, biraq sý deńgeıi áli de ósip keledi.
