Sýret: ertenmedia.kz
«KGL Contest» – barlyq jastaǵy jáne túrli deńgeıdegi oqýshylardyń aǵylshyn tilin qanshalyqty meńgergenin anyqtaýǵa arnalǵan jalǵyz halyqaralyq olımpıada (Ulybrıtanııa). Onyń ereksheligi – túrli eldiń balalary testti bir kúnde tapsyryp, synaq suraqtaryna qatysýshynyń jasy men shet tilin bilý deńgeıine sáıkes qurastyrylǵanynda. Olımpıada eki kezeńnen turady: alǵashqysy bıyl 15 aqpanda ótip, oqýshylar test talabyna saı suraqtyń durys jaýabyn belgiledi. Pre A1 jáne A1 deńgeıiniń qatysýshylaryna 45 mınýt berilse, aǵylshyn tilin joǵary – V1 jáne V2 deńgeıinde biletinderge jaýap berýge 60 mınýt bólindi. Birinshi kezeńniń nátıjesi boıynsha olımpıadaǵa elimizden qatysqan 2 691 balanyń 530-y 90%-dyq mejeli deńgeıdi eńserip, ekinshi týrǵa joldama aldy. Naýryz merekesi qarsańynda – 15 naýryzda olar oqýdy, aýdıo tyńdaýdy jáne jazýdy tekserýden turatyn uzaqtyǵy 60-90 mınýttyq ekinshi testti tapsyrdy. «KGL Contest»-tiń brıtandyq bas keńsesi sheshýshi kezeńniń nátıjesin aldaǵy sáýir aıynda jarııalaıdy.
– «KGL Contest» halyqaralyq olımpıadasynyń ekinshi kezeńine ótken 530 oqýshy mejeden ótýge jol ashatyn 90% upaı jınady. Anyǵyn aıtsaq, sonyń ishinde 25 balanyń deńgeıi – Pre A1, 78 balaniki – A1, 144 bala aǵylshyn tilin A2 deńgeıinde meńgergen, al 151 balaniki – V1 jáne 132 balanyń deńgeıi – V2. Aımaqtardy salystyrsaq, ekinshi kezeńniń mejesinen ótkenderdiń sany jaǵynan kósh bastaǵandar Almaty qalasy men Qyzylorda oblysy – sáıkesinshe, jalpy olımpıadaǵa qatysqandardyń 412 jáne 42 oqýshysyn quraǵan. Sebebi atalǵan óńirler óte belsendi atsalysyp, Almatydan 2 038 jáne Qyzylorda oblysynan 303 adam tirkeldi, – deıdi derekpen bólisken «EDU Stream» halyqaralyq til akademııasynyń Bas dırektory Natalıa Muhamedjanova.
Qatysýshy ár topqa jaýapty sýpervaızer bekitilgen. Olımpıadany uıymdastyrý rásimin bir kúnge Ulybrıtanııadaǵy bas keńse bekitken, suraqtardy jarııalaý, test tapsyrý jáne nátıjesin jınap, japsyryp «KGL Contest»-ke jiberý sekildi qatań ereje boıynsha ótkizildi. Sodan soń balanyń bilimi adamnyń qatysýynsyz aqparatty jınaýmen aınalysatyn júıe negizinde anyqtady.
– Halyqaralyq olımpıadanyń birinshi kezeńindegi nátıjesiniń eń jaǵymdy tusy – jas urpaqtyń aǵylshyn tilin bizge, eresekterge qaraǵanda akademııalyq deńgeıde taza meńgergeni. Toǵyz jyl buryn elimizde orta bilim salasynda jańartylǵan oqý baǵdarlamasyn engizgende aǵylshyn tiliniń oqý-ádistemelik keshenin ázirleýshilerge qoıylǵan basty talap, oqýshylardyń shet tilin B2 kórsetkishine – ortashadan joǵaryǵa jetkizý bolatyn. «KGL Contest»-tiń alǵashqy kezeńiniń búgingi nátıjesine qarap, dittegen maqsatqa qol jetkizdik dep nyq senimmen aıta alamyz, – deıdi Natalıa Muhamedjanova.
Qazaqstan oqýshylarynyń aǵylshyn tilin qanshalyqty meńgergenin tekseretin bolsaq, «KGL Contest» halyqaralyq olımpıadasynyń osy nátıjelerin negizge alǵan durys, deıdi otandyq mektepterge aǵylshynmen qatar nemis, fransýz jáne orys tili pánderiniń oqýlyǵyn ázirlegen mamandar – «EDU Stream» sarapshylary. Nege deseńiz, testtegi derek aıqyn: suraqtar balanyń jasy men shet tilin bilý deńgeıine shaqtalǵan, kim jáne qaı jaqtan tapsyrǵany jáne suraqtar qalaı qurastyrylǵany týraly naqty aqparat jáne taǵy basqa talaptary aıqyndalǵan. Aıta ketý kerek, «EDU Stream» – brıtandyq «Express Publishing» baspasynyń elimizdegi eksklıýzıvti ókili. Qazaqstan mektepteriniń 70% aǵylshyn tilin Oqý-aǵartý mınıstrliginiń jańartylǵan bilim berý mazmuny baǵdarlamasyna sáıkes «Express Publishing» ázirlegen oqý-ádistemelik kitaptary boıynsha oqıdy.
Ekinshi kezeń jeńimpazdaryn «KGL Contest» halyqaralyq olımpıadasy 4 kategorııa boıynsha – A1 deńgeıiniń jeńimpazy, A2 deńgeıiniń jeńimpazy, V1 deńgeıiniń jeńimpazy jáne V2 deńgeıiniń jeńimpazy dep aǵylshyn tilin meńgerýdiń álemdik standartyna saı anyqtaıdy. Úzdikter ishinen oq boıy ozǵandardy marapattaý rásimi Afınada – «KGL Contest»-tiń aımaqtaǵy keńsesinde ótedi. Ekinshi týrda Qazaqstan oqýshylary jeńiske jetse, «EDU Stream» halyqaralyq til akademııasy eń úzdik otandastarymyzdy Afınaǵa óz qarajatyna alyp barmaq.
ALMATY
