Foto: OKQ
Ortalyqtyń ashylý rásimine Qazaqstan men Reseı ǵylym akademııalarynyń akademıkteri, jetekshi ǵalymdar, ǵylymı-zertteý ınstıtýttarynyń basshylary, sondaı-aq agrarlyq bıznes ókilderi qatysty.
Ozyq tehnologııalar ortalyǵy – eki eldiń jetekshi ǵylymı mekemelerimen tyǵyz yntymaqtastyqta jumys istep, tájirıbe almasý, ınnovasııalyq sheshimder ázirleý, salaǵa joǵary tehnologııalyq tásilderdi engizý úshin biregeı alańǵa aınalady.
Aýyl sharýashylyǵy mınıstrliginiń baspasóz qyzmetiniń málimdeýinshe, Ortalyqtyń basty maqsaty – eki el ǵalymdarynyń birlesken zertteýlerin júzege asyrý jáne ınnovasııalyq jobalardy damytý. Atap aıtqanda:
- Aýyl sharýashylyǵy daqyldarynyń genomdyq seleksııasy boıynsha ǵylymı zertteýler júrgizý;
- AО́K-degi sıfrlyq tehnologııalardy damytý jáne aýyl sharýashylyǵynyń tıimdiligin arttyrýǵa arnalǵan ınnovasııalyq sheshimderdi engizý;
- Turaqty agrotehnologııalardy engizý, sonyń ishinde kómirtek jáne kómirtekti únemdeıtin eginshilik tehnologııalaryn damytý arqyly ekologııalyq qaýipsizdik pen aýyl sharýashylyǵy óndirisiniń turaqtylyǵyn arttyrý;
- Aýyl sharýashylyǵy ónimderin qaıta óńdeý tehnologııalaryn ázirleý, joǵary qosylǵan quny bar jańa ónim túrlerin jasaý.
