foto: Shymken PD
Qaıǵyly oqıǵa qaladaǵy kópqabatty úılerdiń birinde bolǵan. Jas jigit dostarymen birge páter jaldap turǵan. Tún ortasy shamasynda kórshi bólmede kúdikti dybystar estilgen. Bólmege kirgen olar Ýtkarsh Sharmanyń aýyr halde jatqanyn kórgen.
Dostary birden jedel járdem shaqyrǵan. Alaıda oqıǵa ornyna jetken dárigerler jas jigittiń kóz jumǵanyn aıtty. Aldyn ala dıagnoz: jedel júrek jetispeýshiligi.
Medısınalyq akademııa ókilderi oqýǵa túskennen keıin Ýtkarsh tolyq medısınalyq tekserýden ótip, densaýlyǵynda aqaý anyqtalmaǵanyn habarlady. Jaqsy oqydy, jaman ádetteri joq, densaýlyǵyna eshqashan shaǵymdanbady.
Polıseıler ólimniń naqty sebebin anyqtaý úshin sot-medısınalyq saraptama taǵaıyndalǵanyn habarlady.
«Polısııa er adamnyń ólimine qatysty qylmystyq is qozǵady. Zorlyq-zombylyqpen ólim belgileri tabylmady. О́limniń aldyn ala sebebi - kenetten júrek toqtaýy. Oqıǵanyń mán-jaıyn anyqtaý maqsatynda birqatar jedel-izdestirý sharalary júrgizilip jatyr», dep habarlady Shymkent qalalyq polısııa departamenti.
Ata-anasy marqum ulynyń denesin Almaty arqyly Delıge jetkizdi.
