Quttyqtaý sózinde Mınıstr Ersaıyn Naǵaspaev geologtardyń elimizdiń damýyna qosqan ólsheýsiz úlesin, sonyń arqasynda bıylǵy jyly barlanǵan jer qoınaýynyń aýdany 2 mln km²-ge jetkenin atap ótti.
«Bıyl sizderdiń eńbekterińizdi baǵalap, «Eńbek sińirgen geolog» memlekettik nagradasy alǵash ret taǵaıyndaldy. Bul Qazaqstannyń tabıǵı resýrstaryn zerdeleý men saqtaýǵa sanaly ǵumyryn arnaǵan mamandardyń eńbegin baǵalaýdaǵy mańyzdy qadam», dedi mınıstr.
Salany damytýǵa qosqan úlesi men sińirgen eńbegi úshin 28 maman marapattarǵa ıe boldy – III dárejeli «Eńbek Dańqy» ordenderi, «Qurmet» ordeni, «Qazaqstannyń eńbek sińirgen geologtary» qurmetti ataǵy, «Eren eńbegi úshin» medali, «Eńbek sińirgen geolog» jáne «Ken ornyn alǵash ashýshy» tósbelgileri.
Marapattalǵandardyń qatarynda sala ardagerleri, Q.I. Sátbaev atyndaǵy Qazaq ulttyq zertteý tehnıkalyq ýnıversıteti, Q.I. Sátbaev atyndaǵy Geologııalyq ǵylymdar ınstıtýty, «Geologııalyq barlaý kolledji» KMQK, «Qazaqmys korporasııasy» JShS, «Geotek» JShS, «Qarmet» AQ, «Professional Geo Solutions Kazakhstan», «Mańǵystaýmunaıgaz» AQ, «Sentrgeolsemka» JShS, «Baqyrshyq taý-ken kásiporny» JShS jáne t.b. mamandary boldy.
