Qazaqstan teńgeniń kúrt aýytqýyna jol bermeýge tyrysady

ASTANA, 11  aqpan. Bılik ulttyq valıýta baǵamynyń kúrt aýytqýyna jol bermeý úshin qajet barlyq sharalardy qabyldaıtyn bolady jáne ulttyq kompanııalar men qazaqstandyq holdıngterden sheteldik valıýtany satý jolymen teńgeni qoldaýdy suraıdy. Qazaqstan Prezıdenti Nursultan Nazarbaev sársenbide Astanada Úkimettiń keńeıtilgen otyrysynda osyny aıtty. Bul týraly «Qazaqstan jańalyqtary» habarlady. «Jalpy holdıngter men ulttyq kompanııalardan qazaqstandyq valıýtany bizdiń aqshamyzdy aıyrbastaý jolymen qoldaýdy suraımyz. Árıne, kelisip alý kerek, qajettilik sátterin eskerý qajet, bul kezeń teńge úshin óte mańyzdy bolatynyn eskerý kerek.  Men barlyq ulttyq kompanııalarǵa aıtyp turmyn. Qazaqstan, árıne, teńgeniń kúrt aýytqýyna jol bermeý úshin qajet barlyq sharalardy qabyldaıtyn bolady. Árıne, bizdiń de múddemizdi eskerý kerek, alaıda, qazir buny jeńip shyǵý qajet. Bizdiń múddemiz bar, ortaq múdde bar», - dedi memleket basshysy sársenbide Úkimettiń keńeıtilgen otyrysynda. Sáken Maılybaı.