Bul týraly Úkimet otyrysynda Sıfrlyq damý, ınnovasııalar jáne aeroǵarysh ónerkásibi mınıstri Jaslan Madıev málimdedi. Mınıstrdiń aıtýynsha, jańa sıfrlyq qyzmet kútpegen jaǵdaı kezinde kólik ıesin jedel túrde habardar etýdi kózdeıdi. Ol úshin júıege kóliktiń memlekettik nómirin engizip, oryn alǵan jaǵdaıdy tańdaý jetkilikti. Sol mezette kólik ıesine anonımdi túrde habarlama jiberiledi. «Bul servıs ózara kómek pen azamattyq jaýapkershiliktiń quralyna aınalady dep úmittenemiz», dedi Jaslan Madıev. Atalǵan qyzmet «eGov» mobıldi qosymshasy, Memlekettik qyzmetter portaly, sonymen qatar arnaıy chat-bottar arqyly qoljetimdi bolady.
Budan bólek, «eGov» portalynda jańa paıdaly fýnksııa paıda boldy. Endi kez kelgen qoldanýshy óz atyna qansha SIM-karta men IMEI tirkelgenin bile alady. Ol úshin tek JSN engizý jetkilikti, júıe adam atyna tirkelgen barlyq nómirdi kórsetedi. Jaslan Madıev bul qyzmettiń iske qosylýyna qatysty pikir bildirip, tekserý kúmándi nemese umyt qalǵan nómirlerdi anyqtaýǵa kómektesetinin atap ótti. «Eger kórsetilgen nómirler sany siz shyn máninde qoldanatyn nómirlerge sáıkes kelmese, birden ózińizdiń baılanys operatoryńyzǵa júginińiz», dedi mınıstr.
