Muny Premer-mınıstrdiń birinshi orynbasary Roman Sklıar bastaǵan Qazaqstan delegasııasynyń qatysýymen Germanııanyń Maındaǵy Frankfýrt qalasynda ótken «Kazakhstan Investment Day 2025» aýqymdy forýmy da rastady.
Is-sharaǵa resmı tulǵalar, iskerlik toptar men sarapshylar qaýymdastyǵynyń 200-ge jýyq ókili qatysty.
Forým aıasynda «Qazaqstan – múmkindikter naryǵy: ınvestısııalar jáne qarjylandyrý múmkindikteri» jáne «Shıkizat jetkizý jáne jańa naryqtardy ıgerý úshin logıstıka» taqyryptarynda pikirtalas ótti.
Spıkerler nemis bıznesiniń Qazaqstanmen iskerlik yntymaqtastyqty odan ári keńeıtýge joǵary qyzyǵýshylyq tanytyp otyrǵanyn jáne jergilikti naryqqa qatysýyn arttyrýǵa daıyn ekenin atap ótti.
Germanııanyń Deutsche Bank, Commerzbank, KfW, Frankfýrt qor bırjasy sııaqty jetekshi qarjy ınstıtýttary shoǵyrlanǵan Gessen federaldyq jeri birlesken jobalardy júzege asyrý úshin áleýetti seriktester men ınvestorlardy izdeýde mańyzdy alań bola alady.
Frankfýrtqa sapar barysynda Roman Sklıar Gessenniń Halyqaralyq yntymaqtastyq, Eýropa jáne debıýrokratızasııa isteri jónindegi mınıstri Manfred Pentspen kezdesý ótkizdi.
Áńgimelesý barysynda M.Pents Gessen úkimetiniń taıaý aılarda elimizge ekonomıkalyq delegasııa jiberý týraly qabyldaǵan sheshimi týraly baıandady. Sapardyń maqsaty – keleshegi bar jáne ózara tıimdi jobalarǵa ınvestısııa salýdaǵy naqty qadamdardy anyqtaý.
Taraptar Qazaqstan men Gessen arasyndaǵy saýda-ekonomıkalyq yntymaqtastyqtyń qazirgi jaǵdaıy týraly pikir almasyp, onyń ári qaraı damý perspektıvalaryn talqylady.
Sonymen qatar Roman Sklıar Qazaqstan-German iskerlik keńesiniń teń tóraǵasy, Germanııa ekonomıkasy shyǵys komıtetiniń basqarýshy dırektory Mıhael Harmspen, sondaı-aq birqatar nemis kompanııalarynyń ókilderimen ekijaqty kezdesýler ótkizdi.
