«AMEA Power» – Taıaý Shyǵys, Afrıka jáne Azııa elderinde belsendi jumys isteıtin jańartylatyn energııa kózderi salasyndaǵy jetekshi halyqaralyq kompanııalardyń biri. Kompanııa elimizdi kún jáne jel energetıkasy salasyndaǵy ınvestısııalyq jobalardy iske asyrý úshin strategııalyq naryq retinde qarastyrady.
Buǵan deıin «AMEA Power» delegasııasy Almaty oblysyna baryp, óńirdiń áleýetin baǵalady. Úkimettegi kezdesý barysynda kompanııanyń ınvestısııalyq jobalarǵa, onyń ishinde eldiń basqa da óńirlerinde qatysýǵa múddeliligi talqylandy.
Qanat Bozymbaev halyqaralyq tájirıbeniń jáne ınnovasııalyq sheshimderdiń Qazaqstannyń «jasyl» energetıkaǵa kóshýindegi mańyzdylyǵyn atap ótti.
Kelissózder qorytyndysy boıynsha taraptar yntymaqtastyqqa daıyn ekendikterin bildirip, birlesken jobalardy júzege asyrý boıynsha ózara is-qımyl baǵytyn aıqyndady.
