Taıaýda О́skemende HIH halyqtyq sport oıyndarynyń aıasynda kıiz úıler kórmesi ótti. Shyǵys óńiriniń 19 qala men aýdany tikken aqshańqan kıiz úıler Ertistiń jaǵasyna ertedegi qazaq aýyly kóship kelgendeı kózimizge jyly ushyrady. Ulttyq dástúr men mádenıetti pash etetin kıiz úıler qalashyǵy sharaǵa qatysýshy qonaqtarǵa ulttyq taǵamdar men sýsyndaryn usynyp, meımandos kóńilimen kútip aldy. Atalǵan sharaǵa qatysqan oblys ákimi Danıal Ahmetov kıiz úılerdi aralap kórip, árqaısysynyń bezendirilý barysyndaǵy ózindik erekshelikterin joǵary baǵalady.
– Bul halyqtyq oıyndar bolǵandyqtan, bári halyq úshin jasalyp jatyr. Qazaqtyń ǵajaıyp murasyna qyzyǵýshylyq tanytýshylar kóp ekenin baıqaımyz. Kıiz úılerdi kórgen jastar, qonaqtar ultymyzdyń salt-dástúrimen jaqynyraq tanysýǵa múmkindik alady, – dedi oblys basshysy.
Qazylar alqasynyń tóraǵasy Beken Temirov barsha kıiz úıdiń qojaıyndary joǵary daıyndyqpen kelgenin, kıiz úılerdiń jabdyqtalýy, bezendirilýi, tabıǵı ónimderdi paıdalanýy aıryqsha ekenin atap ótti.
Jarysqa qatysýshylar kıiz úıdiń ishi men syrtyn kórkemdep qana qoımaı, ulttyq dástúrlerdiń ozyq úlgilerinen kórinister de daıarlaǵan eken. Onyń ishinde, kelin túsirý, balany besikke bóleý, tusaý kesý syndy tal besikten jer besikke deıingi qazaqtyń salt-dástúrleri qamtyldy. Kıiz úı ıeleriniń besik jyry men betashar, jar-jar oryndaýy da tamasha áser qaldyrdy.
Qala turǵyndary men alystan kelgen meımandar ár kıiz úıden saba pisip, qymyz daıyndaý, nan ılep, baýyrsaq pisirý, qurt qaınatý syndy ulttyq taǵamdardy daıyndaý úderisin kórip, qazaqtyń mol dastarqanynan dám tatty.
Dýman ANASh,
«Egemen Qazaqstan».
О́SKEMEN.
– Bul halyqtyq oıyndar bolǵandyqtan, bári halyq úshin jasalyp jatyr. Qazaqtyń ǵajaıyp murasyna qyzyǵýshylyq tanytýshylar kóp ekenin baıqaımyz. Kıiz úılerdi kórgen jastar, qonaqtar ultymyzdyń salt-dástúrimen jaqynyraq tanysýǵa múmkindik alady, – dedi oblys basshysy.
Qazylar alqasynyń tóraǵasy Beken Temirov barsha kıiz úıdiń qojaıyndary joǵary daıyndyqpen kelgenin, kıiz úılerdiń jabdyqtalýy, bezendirilýi, tabıǵı ónimderdi paıdalanýy aıryqsha ekenin atap ótti.
Jarysqa qatysýshylar kıiz úıdiń ishi men syrtyn kórkemdep qana qoımaı, ulttyq dástúrlerdiń ozyq úlgilerinen kórinister de daıarlaǵan eken. Onyń ishinde, kelin túsirý, balany besikke bóleý, tusaý kesý syndy tal besikten jer besikke deıingi qazaqtyń salt-dástúrleri qamtyldy. Kıiz úı ıeleriniń besik jyry men betashar, jar-jar oryndaýy da tamasha áser qaldyrdy.
Qala turǵyndary men alystan kelgen meımandar ár kıiz úıden saba pisip, qymyz daıyndaý, nan ılep, baýyrsaq pisirý, qurt qaınatý syndy ulttyq taǵamdardy daıyndaý úderisin kórip, qazaqtyń mol dastarqanynan dám tatty.
Dýman ANASh,
«Egemen Qazaqstan».
О́SKEMEN.
