Sapar aıasynda Roman Sklıar Bavarııa Premer-mınıstriniń orynbasary – ekonomıka, óńirlik damý jáne energetıka mınıstri Hýbert Aıvangermen jáne halyqaralyq yntymaqtastyq pen Eýropa máseleleri jónindegi mınıstri Erık Baısvengermen kezdesýler ótkizdi.
Bavarııa federaldy jeri úkimetiniń ǵımaratynda ótken E.Baısvengermen kezdesýde Qazaqstan men Bavarııa úkimetteri arasyndaǵy yntymaqtastyqty damytý máseleleri talqylandy.
О́z kezeginde E.Baısvenger Bavarııanyń Qazaqstanmen jan-jaqty iskerlik jáne gýmanıtarlyq baılanystardy odan ári keńeıtýge úlken qyzyǵýshylyq tanytatynyn atap ótip, tıisti bastamalardy qoldaýǵa daıyn ekenin bildirdi.
H.Aıvangermen kezdesý barysynda taraptar Qazaqstan men Bavarııa arasyndaǵy saýda-ekonomıkalyq qatynastardyń jaǵdaıy týraly pikir almasyp, ári qaraı damytý keleshegin talqylady. H.Aıvanger Qazaqstannyń qarqyndy damýyn ári ekonomıkasyn ártaraptandyrýdaǵy jetistikterin atap ótip, ekijaqty baılanys ózara tıimdi múmkindikterge jol ashatynyn, ásirese bıznes úshin ıgiligi mol ekenine toqtaldy.
Osy turǵyda mańyzdy qadam retinde 2025 jylǵy mamyr aıynyń sońynda Shymkent–Mıýnhen tikeleı áýe reısiniń iske qosylýy kútilip otyr.
Sonymen qatar R.Sklıar men H.Aıvanger osy kúni ótken dóńgelek ústelde baıandama jasap, «Qazaqstan – Bavarııa bıznes-dıalogi: Qazaqstan ónerkásip jáne aýyl sharýashylyǵy tehnologııalary men logıstıka salasyndaǵy seriktes retinde» taqyrybynda pikir almasty.
Is-sharaǵa Bavarııanyń shamamen 70 kásipornynyń basshylary qatysty. Qazaqstandaǵy kásipkerlikti damytý tájirıbesimen jáne eldegi qarjylyq ári iskerlik múmkindikter týraly Horsch, Linde Gas AG jáne Rhenus sııaqty kompanııalardyń ókilderi pikirin bólisti.
О́z sózinde H.Aıvanger Bavarııanyń Qazaqstanmen tyǵyz ekonomıkalyq baılanystaryn joǵary baǵalady. Onyń aıtýynsha, Qazaqstan búgingi tańda Bavarııanyń TMD jáne Ortalyq Azııa elderi arasyndaǵy eń iri saýda seriktesi bolyp sanalady.
R.Sklıar sondaı-aq dóńgelek ústeldiń teń uıymdastyrýshysy bolǵan «Bavarııa ekonomıkasy odaǵy» iskerlik qaýymdastyǵynyń tóraǵasy Bertram Brossardtpen kelissóz júrgizdi.
Bavarııa – ekonomıkalyq damý boıynsha Germanııadaǵy jetekshi federaldyq jer sanalady. 2024 jyly onyń IJО́ kólemi shamamen $800 mlrd-ty (Germanııa – 4,5 trln) qurap, ony álemde 22-orynǵa qoıdy. Bul kórsetkish Argentına, Ońtústik Afrıka, BAÁ, Shvesııa, Izraıl, Aýstrııa jáne Belgııa sııaqty elderden joǵary.
Nemis statıstıkasy boıynsha 2024 jyly Qazaqstan men Bavarııa arasyndaǵy saýda kólemi 4,7 mlrd eýroǵa jetti, bul Qazaqstan men Germanııa arasyndaǵy jalpy saýda kóleminiń shamamen jartysyna teń. Bavarııanyń munaı ımportynyń jartysyn Qazaqstannan jetkiziletin shıkizat quraıdy.
Eger Qazaqstan Germanııa úshin saýda seriktesteriniń ishinde 43-orynda bolsa, Bavarııa úshin 21-orynda tur. Bavarııaǵa ımport kólemi boıynsha Qazaqstan 15-orynda, ıaǵnı Belgııa, Túrkııa, Japonııa, Vetnam, Ońtústik Koreıadan joǵary kórsetkishke ıe.
