Byltyrǵy Esil ózeniniń tasqyny kezinde kásipker evakýasııalyq pýnktterge ornalastyrylǵan sý basqan úılerdiń turǵyndaryn 29 mln teńgege tamaqtandyrǵan eken. Jantalasqan qıyn shaqta ákimdikpen aradaǵy ekijaqty shart tolyq rásimdelmegen. Atap aıtqanda qazynashylyq organdaryna tirkelmegen. Alaıda kásipker óziniń mindetin oryndap, qonystanýshylardy tamaqtandyrǵan. Bul týraly onyń qolynda jumysty atqarǵandyǵy týraly aktyler bar. Eshkim ash qaldyq dep shaǵymdanbaǵan.
Biraq endi «qar jaýyp, iz basyldy» degendeı, qysyltaıań shaqta ózderine qol úshin berip, halyqty tamaqtandyrǵan kásipkerdi ákimdiktiń sheneýnikteri áýre-sarsańǵa salyp, kelisimsharttyń qazynashylyqta tirkelmegenin syltaýratyp, aqysyn tólemeı otyrǵan kórinedi. Bezbúırektiktiń osyndaı da túri bolady eken. Bul naǵyz tóreshildik qoı. Eger memleket qarajatynyń oryndy jumsalǵanyn biligisi kelse sol kezde tamaqtanǵan júzdegen adamnyń kýágerligin suratpaı ma? Kezinde ózderi «tamaqpen qamtamasyz etti» degen aktylerge qol qoıǵanda nege «kelisimshart qazynashylyqqa tirkelmepti» dep suramapty. Qysqasy, adamdy áýre-sarsańǵa salyp, sotqa júgintip, ondaǵylar da tóreshildikti qoldap, jazyqsyz kásipkerge jaza shektirip otyrǵan kórinedi.
Aıdos Janashuly endi kásipkerdiń endi oblystyq prokýratýraǵa shaǵynǵanyn jetkizdi. «Sol jerden bir ádildik bolatyn shyǵar dep úmittenemiz», dedi ol.
PETROPAVL
