Foto: officelife.media
Ekmannyń pikirinshe, atalǵan bastama eldi halyqaralyq ekonomıkalyq daǵdarysqa uryndyryp, AQSh-tyń jahandyq bedeline nuqsan keltirýi múmkin. Ol bul saıasatty «ekonomıkalyq ıadrolyq soǵys» dep atap, bızneske ınvestısııalar toqtap, tutynýshylar shyǵyndaryn azaıta bastaıtynyn eskertti.
«Bıznes – senim oıyny. Prezıdent búkilálemdegi bıznes kóshbasshylarynyń senimin joǵaltady. Prezıdentti qoldaǵan bizdiń elimiz ben mıllıondaǵan azamattarymyz úshin, atap aıtqanda, úlken ekonomıkalyq kúızeliske ushyraǵan tabysy tómen tutynýshylar úshin saldary óte jaǵymsyz bolady. Bul biz daýys bergen nárse emes», dep jazdy Bıll Ekman.
Onyń aıtýynsha, tek iri korporasııalar ǵana emes, eń aldymen orta jáne shaǵyn kásip ıeleri qıyndyqtarǵa tap bolady. Sebebi kúrt ósetin shyǵyndarǵa eshkim bir túnde beıimdele almaıdy.
Aıta keteıik, Bıll Ekman 2024 jylǵy prezıdent saılaýynda Donald Trampty qoldaǵan edi.
