Dárigerler AITV ınfeksııasynyń aldyn alýdyń negizgi sharalary, vırýs juqtyrǵan jaǵdaıda der kezinde kórsetiletin kómek joldary týraly aıtty
«Ortalyq mamandary qaýipti toptar arasynda (máselen esepte turǵan nashaqorlar) adam ımmýn tapshylyǵy vırýsynyń taralýyn azaıtý maqsatynda baılanysqa deıingi preparattardy tegin taratyp júr. Bul AITV juqtyrý múmkindigin azaıtady degen oıdamyz. Bıylǵy 1 sáýirge deıingi jaǵdaı boıynsha Aqtóbede baılanysqa deıingi preparattardy qabyldaıtyn adamdar sany 889-ge jetti. Elimizde osy preparattar tegin beriledi», deıdi Aqtóbe JITS ortalyǵynyń bas dárigeri Aıgúl Dúısenbaeva.
Bıylǵy jyldyń alǵashqy úsh aıynda Aqtóbe oblysynda AITV(adam ımmýn tapshylyǵy vırýsy) shaldyqqany úshin 17 turǵyn esepke alyndy. Onyń 14-i er adamdar bolsa, 3-i áıel. Jeteýi jumys istese, segizi –jumyssyzdar sanatynda, ekeýi stýdent bolyp shyqty. Barlyǵy da 20-59 jas arasyndaǵylar.
