Foto: Vıdeodan alynǵan kadr
Sý tasqynyna sebep bolǵan Ndjılı ózeni jumaǵa qaraǵan túni arnasynan asyp, ulttyq mańyzy bar basty joldy sý basyp qalǵan. Bul jaǵdaı senbiniń keshinen bastap júrgizýshilerge úlken qıyndyq týǵyzǵan.
Sonymen qatar qalanyń birneshe aýdany jaryqsyz qalǵan. Makala aýdanynda turatyn Keren Iаla esimdi turǵyn, eń úlken másele – aýyz sýdyń toqtap qalýy ekenin aıtqan.
Kınshasa gýbernatory Denıel Býmba Lýbakı sý qubyrlar júıesiniń zaqymdanǵanyn, biraq aldaǵy eki-úsh kún ishinde sý berý qaıta qalpyna keltiriletinin málimdedi. Sondaı-aq ol keıbir adam ólimine zańsyz qurylystar sebep bolǵanyn atap ótti.
Gıdrolog Rafael Tshımanga Mýamba óz kezeginde ózenderdiń jaǵdaıyna adam áreketi áser etip otyrǵanyn málimdegen.
Buǵan deıin AQSh-ta birneshe kún boıy tolassyz jaýǵan nóser jaýyn saldarynan ózenderde sý deńgeıi kóterilip, tasqyn qaýpi kúsheıgen edi. Sońǵy málimet boıynsha, 18 adam qaıtys bolǵan, onyń ishinde 10-y Tennessı turǵyny.
