Bul kúnde mádenıet pen ádebıet tulǵalarynyń kezindegideı el ishimen etene aralasyp, árdaıym ortalarynan tabylýy sıreksýin joqqa shyǵara almaımyz. Al osy salada esimi men eńbegi tanymal azamattarmen kezdesip, oı baıytýǵa, biliktilik keńeıtýge degen qaýym yntyzary qalpynsha deýge bolady. Halyqaralyq «Qazaq tili» qoǵamy men Túrkitaný ortalyǵy uıymdastyrýymen Jańaarqa aýdanynda ótken tarıhshy ǵalymdardyń, til mamandarynyń, aqyn-jazýshylardyń jergilikti jurtpen júzdesýleri sony aıǵaq etti. Júzdesýdiń basty arqaýy Qazaq handyǵynyń 550 jyldyǵyna arnalǵan «HH ǵasyrdyń aýmaly-tókpeli kezeńderi, qazaq halqynyń transformasııasy jáne zamanǵa beıimdelýi» atty tarıhı-tanymdyq konferensııa boldy.
Onda Túrksoıdyń birinshi hatshysynyń orynbasary Sanjar Mulazymoǵly, ǵalymdar Saıyn Borbasov, Beken Kemelbekov, Álimhan Júnisbekov, belgili túrkolog Nápil Bazylhan, «Arys» qorynyń prezıdenti Ǵarıfolla Ánes, aqyn Sábıt Bekseıit tartymdy baıandamalar jasady. Osy óńirdiń órkendeýine úlken úles qosqan, eńbegi el esindegi azamat Nurlan Omaruly týraly «Tektiden týǵan tulǵalar» kitabynyń tusaýkeseri de ótip, Túrksoıdyń «Uly Túrik qyrany» medali jerlesteri aldynda keýdesine taǵylǵan dúldúl kúıshi Muhamedjan Tileýhan men izbasarlar óneri bir sheti Túrkııadan, Mońǵolııadan, Polshadan kelip, konferensııaǵa qatysýshylar men jerlesteri kóńil-kúıin ósirip tastady.
Aıqyn NESIPBAI,
«Egemen Qazaqstan».
Qaraǵandy oblysy.
Sońǵy jańalyqtar
Pedagogterdi attestasııalaý júıesi jańartylady
Bilim • Keshe
Atyraý oblysynda jer ýchaskeleri memleketke qaıtaryldy
Aımaqtar • Keshe
Atom energetıkasy salasy: Uzaq merzimdi baǵdar aıqyndaldy
Energetıka • Keshe
Japonııada 7,7 baldyq jer silkinisi tirkeldi
Tabıǵat • Keshe
