Foto: Nature Geoscience
Mantııanyń joǵarǵy qabatynda balqyǵan jynystar birigip, tyǵyzdalyp, aqyryndap tómen qaraı túse beredi. Osy úderis nátıjesinde lıtosfera juqara bastaıdy. Ǵalymdar bul qubylystyń negizinen Soltústik Amerıkanyń ortalyq óńirinde baıqalyp jatqanyn aıtady.
Biraq zertteýshiler alańdaýǵa negiz joq ekenin jetkizdi. Sebebi bul óte baıaý júretin qubylys jáne bolashaqta tolyǵymen toqtaýy múmkin.
Bul jańalyq Jerdiń damý tarıhyn tereńirek túsinýge jol ashady. Kontınentterdiń qalaı paıda bolyp, qalaı ydyraıtynyn zerdeleýde úlken mánge ıe. Zertteýdiń jetekshi avtory, Qytaıdyń Ǵylym jáne tehnologııalar ýnıversıtetiniń ókili Szıýnlın Hýa seısmıkalyq tolqyndardy tolyq qamtıtyn tomografııalyq model jasap shyǵarǵan. Bul ádis zertteýge qatysqan taǵy bir ǵalym Stıven Grandtyń úlesimen júzege asqan.
