Foto: Úkimet
«Kólik, Saýda, Ulttyq ekonomıka, Týrızm mınıstrlikteri men ákimdikter jol boıyndaǵy servısti jaqsartý jumystaryn jalǵastyrsyn. Kúre joldyń boıyndaǵy dámhanalar, janarmaı quıý beketteri men tehnıkalyq qyzmet kórsetý stansııalary qabyldanǵan standarttarǵa saı bolýy kerek. Sondaı-aq osy bızneste jumys isteıtin kásipkerlerdi yntalandyrý máselesin pysyqtaýdy tapsyramyn. Bul rette týrısterdiń qaýipsizdigin arttyrýǵa erekshe nazar aýdarylsyn. Búkil ınfraqurylymǵa – áýejaılardan bastap qonaq úılerge, saýda núktelerine, tamaqtaný oryndaryna, konsert alańdaryna deıin – qaýipsizdik pen jaılylyq turǵysynan revızııa júrgizilýi qajet», dep atap ótti Oljas Bektenov.
Sonymen qatar Týrızm, Mádenıet, Densaýlyq saqtaý, Ishki ister mınıstrlikteri, arnaýly memlekettik organdar aldyna aýqymdy mádenı, sporttyq jáne týrıstik is-sharalardy ótkizý kezinde barynsha járdem kórsetý mindeti qoıyldy.
«Olardy uıymdastyrý men ótkizý deńgeıi ekonomıkalyq paıda ákelip qana qoımaı, elimizdiń ımıdjin nyǵaıtyp, ınvestorlar men týrıster úshin tartymdylyqty arttyra túsedi», dep atap ótti Premer-mınıstr.
