foto: ekaraganda.kz
Kógerip kóktem kelgennen keıin qys boıy qar astynda jatqan qoqysty tazalap, qala kóshelerin muntazdaı etip qoıdy. Qala ishin abattandyrýǵa bıýdjetten qarajat bólingen. Qala ákiminiń orynbasary Nurlan Sabyrovtyń aıtýyna qaraǵanda, qyrýar sharýa atqarylypty.
«Taıaýda senbilik uıymdastyrylǵan bolatyn. Arada apta ótisimen ıgi is taǵy jalǵasyp, júzden astam adam ortaq sharýaǵa qatysty. Nátıjesinde shamamen 5 tonnadaı qoqys shyǵaryldy. Aldaǵy ýaqytta kóshet otyrǵyzyp, gúl egýdi josparlap otyrmyz», deıdi qala ákiminiń orynbasary.
Aksııa apta saıyn turaqty ótkizilmek. Qala turǵyndarynyń qajyrly eńbeginiń arqasynda tóńirektiń bári abattandyrylyp, kóz súısinterdeı kórkeıip tursa, ekinshi jaǵynan jas urpaqty tazalyqqa tárbıeleýde septigi mol. Osy bastan óz qalalaryn perzenti retinde súıip, qamqorlyq jasaýdy qapysyz meńgerse, bir ǵanıbet emes pe?
