Bilikti mamandar saıysy

Chempıonatqa el atynan «Qazatom­ónerkásiptiń» qyzmetkerlerinen qu­ralǵan «Samuryq-Qazyna» AQ port­feldik kompanııasynyń komandasy qatysyp, 7 negizgi baǵyt boıynsha júldeli oryndardy ıelendi. Otan­dyq mamandar strategııalyq mańy­zy zor elektronıka, elektr montaj­daý, dánekerleý tehnologııalary, ana­lıtıkalyq baqylaý, eńbek qaýipsizdigi, qorshaǵan ortany qorǵaý men arnaıy tehnıkany basqarý sııaqty baǵyttarda júıriktigin dáleldedi.

Jarys qorytyndysynda qor komandasy 7 medal ıelendi. «Samuryq-Qazyna» AQ basqarma tóraǵasy Nurlan Jaqypov qatysýshylarǵa alǵys bil­dirip, jeńimpazdar men olardyń tálim­gerlerin marapattady.

«Qazatomónerkásip» komandasy atom salasyndaǵy mańyzdy 7 baǵytta joǵary daıyndyq deńgeıin kórsetti. Qazaqstanda jarııalanǵan Jumysshy mamandyqtary jylynda bul jetistiktiń mańyzy zor. Sizderdiń kásibı daǵdylaryńyz ben eńbekterińiz osyndaı mańyzdy salanyń damýyna úles qosatyny sózsiz», dedi qor basshysy.

Saıysta qorshaǵan ortany qorǵaý baǵytynda «Semizbaı-U» kompa­nııasynyń qorshaǵan ortany qorǵaý jáne radıasııalyq qaýipsizdik jónin­degi ınjeneri Quralaı Qojageldınova (tálimgeri – «Qazatomónerkásip» uıy­mynyń bas mamany Samat Qaırambaev), eńbekti qorǵaý baǵytynda «Inkaı» kom­panııasynyń qyzmetkeri Rýslan Abdraıymov (tálimgeri – «Qazatom­ónerkásip» uıymynyń bas mamany Arman Daýtpaev) 1-oryndy ıelendi. Elektronıka boıynsha «Ońtústik taý-hımııalyq kompanııasynyń» sle­sari Asylhan Tileýbaı (tálimgeri – «Ortalyq óndirýshi kásipornynyń» ınjeneri Sergeı Rykov), elektr montajdaý boıynsha «Úlbi metallýr­gııa zaýytynyń» elektr monteri Sergeı Tokarev (tálimgeri – «Qyzylqum» uıymynyń bas menedjeri Baqyt Sar­taev) 2-oryn aldy.

Analıtıkalyq baqylaý baǵytynda «Inkaı» uıymynyń mamany Raıymbek Qojamqulov (tálimgeri – «Qazato­móner­kásip» uıymynyń bas menedjeri Jadyra Qurmanaeva), dánekerleý jumystarynan «Qazatom­ónerkásip-SaUran» uıymynyń elektr jáne gaz dánekerleýshisi Bere­ket Batyrbaev (tálimgeri – «Qazatom­ónerkásip-SaUran» qyzmetkeri Baıǵalı Kárenov), arnaıy tehnıkany basqarýǵa «KAP Logistics» júrgizýshisi Jasulan Jarylqasynov (tálimgeri – «KAP Logistics» júrgizýshisi Eldar Mahmutov) 3-oryndy enshiledi.

Tájirıbeli tálimgerler tek tehnı­kalyq mashyqty úıretip qana qoı­maı, saıystyń jaýapty sátterinde qaty­sýshylardyń rýhyn kóterip, qoldaý kórsetti. Komandany jarysqa «Qazatomónerkásiptiń» bas menedjeri Erzathan Abylaıhanov bastap bardy.