Kezdesýge sonymen qatar, Túrki memleketteri uıymynyń Bas hatshysy Kýbanychbek О́miralıev, DDU Eýropadaǵy óńirlik bıýrosynyń dırektory Hans Klıýge qatysty. Densaýlyq saqtaý mınıstrleriniń 5-kezdesýiniń qorytyndysy boıynsha Densaýlyq saqtaý mınıstri Aqmaral Álnazarova baıandama jasady.
Tájirıbe almasýdy jáne zamanaýı medısınalyq tehnologııalar transferin qosa alǵanda, Qazaqstannyń uıymmen ózara is-qımylyn keńeıtý jónindegi josparlar talqylandy, Qazaqstannyń jáne basqa seriktes elderdiń densaýlyq saqtaýdy damytý jónindegi usynystary qaraldy.
Kezdesý barysynda densaýlyq saqtaý salasyndaǵy jahandyq syn-qaterlerge jaýap retinde TMU-ǵa qatysýshy memleketterdiń kúsh-jigerin shoǵyrlandyrýdyń mańyzdylyǵyna nazar aýdaryldy. Premer-mınıstr tek úılestirilgen is-qımyldar men tyǵyz áriptestik halyqtyń densaýlyǵyna tóngen aýqymdy qaýip-qaterlerge tıimdi jaýap berýge múmkindik beretinin atap ótti.
«Memleket basshysy Qasym-Jomart Toqaev medısınalyq kómektiń sapasy men qoljetimdiligin arttyrý máselelerine erekshe nazar aýdarady. Qazirgi ýaqytta biz densaýlyq saqtaý júıesin belsendi túrde jańǵyrtyp jatyrmyz: ınfraqurylymdy jaqsartý, kópsalaly aýrýhanalar salý, olardy zamanaýı jabdyqtarmen qamtamasyz etý jáne farmasevtıka ónerkásibin nyǵaıtý boıynsha aýqymdy jobalar iske asyrylýda. Bizdiń bastamalarymyzǵa Dúnıejúzilik densaýlyq saqtaý uıymy aıtarlyqtaı qoldaý kórsetip otyr. Tynys alý organdary men qan aınalymy júıesi aýrýlarynyń azaıýy jáne ólim-jitimniń tómendeýi – tehnıkalyq jáne sarapshylyq qoldaýǵa negizdelgen bizdiń birlesken josparly jumysymyzdyń nátıjesi. Biz óz tájirıbemizben bólisýge daıynbyz, sondaı-aq zamanaýı medısınalyq tehnologııalar transfertin keńeıtýge múddelimiz», dep atap ótti O.Bektenov.
Jıyn barysynda seriktes elderdiń densaýlyq saqtaý mınıstrleri Qazaqstannyń medısınalyq kómek kórsetý sapasyn jaqsartý salasyndaǵy jetistikterin atap ótti. Aldaǵy eki jylda MSAK-ty damytý, TJ jaǵdaıynda medısınalyq kómek kórsetý, týberkýlezben jáne ózge de aýrýlarmen kúres, farmakologııadaǵy, atap aıtqanda, Majarstannyń tıisti memlekettik organdarymen kooperasııa, sý gıgıenasyn damytý jáne basqa da yntymaqtastyqty nyǵaıtý taqyryby bolyp sanalady.
Dúnıejúzilik densaýlyq saqtaý uıymymen ózara is-qımyl DDU Eýropadaǵy óńirlik bıýrosy men Qazaqstan Respýblıkasy Densaýlyq saqtaý mınıstrligi arasyndaǵy eki jyldyq yntymaqtastyq kelisimderin iske asyrý sheńberinde júzege asyrylady. 2024–2025 jyldarǵa arnalǵan taraptar birlesken jumystyń negizgi baǵyttaryn, onyń ishinde medısınalyq qyzmettermen jalpyǵa birdeı qamtý, tótenshe jaǵdaılarǵa daıyndyq, juqpaly emes aýrýlardyń aldyn alý jáne «Biryńǵaı densaýlyq» tásilin engizýdi aıqyndady.
Kezdesý barysynda DDU Eýropadaǵy óńirlik bıýrosynyń dırektory Hans Klıýge aldyn alý sharalarynyń keń aýqymynyń nátıjesinde sozylmaly ınfeksııalyq emes aýrýlardan mezgilsiz ólim-jitimdi tómendetý boıynsha Qazaqstannyń jetistikterin atap ótti. Sondaı-aq MSAK damytý salasyndaǵy yntymaqtastyqty arttyrý josparlary aıtyldy.
2024 jyldyń qorytyndysy boıynsha Qazaqstannyń densaýlyq saqtaý salasyna salynǵan ınvestısııa kólemi 8,4%-ǵa ósip, shamamen 920 mln dollarǵa jetti, onyń úshten biri jeke sektorǵa tıesili. Sonymen qatar farmasevtıka salasyna tartylǵan ınvestısııa kólemi 2 esege jýyq ósip, 91,3 mln dollardy qurady. Memleket basshysynyń tapsyrmasyn oryndaý aıasynda jyl saıyn otandyq óndiristegi dárilik zattardyń úlesi artyp keledi, 2029 jylǵa qaraı ol 50%-ǵa jetedi dep josparlanyp otyr.
Túrki memleketteri uıymy densaýlyq saqtaý mınıstrleriniń 5-kezdesýiniń nátıjesinde densaýlyq saqtaý máseleleri boıynsha Túrki memleketteriniń uıymy elderiniń deklarasııasyna, Densaýlyq saqtaý salasyndaǵy birlesken is-qımyl josparyna, kadrlar daıarlaý, bıologııalyq qaýipsizdik boıynsha yntymaqtastyq týraly memorandýmdarǵa jáne basqa da qujattarǵa qol qoıdy.
