Foto: Ashyq derekkóz
Baǵdarlama ýaqytsha qoldaý sharasy retinde qarastyryldy. 5 jyl ishinde jastar óz qarjylyq múmkindikterin jaqsartyp, kelesi qadamǵa – jeke baspana satyp alýǵa daıyndalýy tıis edi. 2025 jyly 2 myńnan astam qatysýshynyń jaldaý merzimi aıaqtalyp, turǵyn úı máselesin sheshý – olardyń jeke tańdaýy men áreketine baılanysty bolmaq.
Búginde 853 qatysýshy óz sheshimin taýyp, naqty qadamǵa kóshti:
- 275 adam – óz qarajaty esebinen turǵyn úı satyp aldy;
- 262 adam – óńirlik jeńildetilgen ıpotekalyq baǵdarlamalar arqyly qonys toıyn toılady;
- 316 adam – baspana izdeý kezeńinde.
Qalǵan qatysýshylar qujat jınaý jáne ótinim berý úderisinde bolsa, ótinimder «Otbasy banki» fılıaldary arqyly kúndelikti qabyldanyp jatyr.
Jastar úshin ıpotekalyq nesıe resimdeýge barynsha qolaıly jaǵdaılar usynylǵan:
- bastapqy jarna – 10%;
- jyldyq mólsherleme – 5%;
- eń joǵary qaryz somasy – 20 mln teńgege deıin;
- nesıe merzimi – 19 jylǵa deıin.
Búginde baǵdarlama qatysýshylarynyń aldynda mańyzdy tańdaý tur: jalǵa alýshy retinde qalý nemese usynylǵan múmkindikterdi paıdalanyp, jeńildetilgen sharttarmen jeke baspanaǵa qol jetkizý. 800-den astam sátti oqıǵa – bul jastardyń naqty ári nátıjeli jolmen maqsatqa jete alatynyn dáleldeıdi.
