Foto: Ashyq derekkóz
Qarajatty kóktemgi egis jumystarynyń sapaly júrgizilýin qamtamasyz etý, 2025 jyldyń ónimin qabyldaý úshin astyq qoımalaryn bosatý, qazaqstandyq astyq eksportynyń básekege qabilettiligin arttyrý, sondaı-aq jańa ótkizý naryqtaryn ıgerý sııaqty keshendi mindetterdi sheshýge baǵyttaý josparlanǵan.
«О́zderińizge belgili, 2024 jyly elimizde dándi daqyldar boıynsha 25,2 mln tonna kóleminde rekordtyq ónimi jınaldy. Joǵary ónimdilikke agrotehnologııany durys qoldaný nátıjesinde jáne qolaıly aýa raıynyń arqasynda qol jetkizildi. Sonymen qatar ishki naryq suranysy shamamen 10 mln tonnany quraıdy», delingen habarlamada.
Memleket basshysy Qasym-Jomart Toqaev 2024 jyly aýyl sharýashylyǵy eńbekkerleriniń birinshi forýmynda atap ótkendeı, Qazaqstannyń dándi daqyldar boıynsha eksporttyq áleýeti 12 mln tonnany quraǵan.
«Bul – aýqymdy kólem jáne úlken jaýapkershilik. Úkimettiń basty mindeti – sharýalarǵa óz ónimderin sheteldik naryqtarda ótkizýde jan-jaqty qoldaý kórsetý. Búginde bul eksporttyq áleýettiń 10 mln tonnasy baǵyttary ázirlengen dástúrli ótkizý naryqtaryna, al 2 mln tonnasy alys baǵyttar men jańa naryqtarda satý úshin jóneltildi», dep habarlady Úkimettiń baspasóz qyzmeti.
Osylaısha, tasymaldaý shyǵyndaryn azaıtýdy sýbsıdııalaý sharýalarǵa astyqty jańa naryqtarǵa der kezinde eksporttaýǵa jáne astyq qoımalaryn jańa ónimge daıyndaýǵa múmkindik beredi.
Esterińizge sala keteıik, sońǵy derekter boıynsha 2024 jyldyń qyrkúıeginen sáýir aıyna deıin astyq eksporty 6,9 mln tonnany quraǵan, ol 2023-2024 jyldardyń uqsas kezeńinen 54%-ǵa kóp.
Búginde eksporttyń dástúrli baǵyttary – О́zbekstan, Tájikstan, Qyrǵyzstan, Aýǵanstan. Iran men Ázerbaıjanǵa jetkizý kólemi ulǵaıǵan. Tranzıttik joldar Reseı, Latvııa, Lıtva, Estonııa, Ázerbaıjan, Grýzııa, Túrkimenstan jáne Qytaı aýmaqtary arqyly ótedi.
