Sýret: sports.ru
- Fýtboldan ÝEFA Ulttar lıgasynyń tórtinshi týrynda elimizdiń áıelder quramasy Armenııamen sheberlik baıqasty. «Astana Arenada» ótken match 3:2 esebimen qyzdarymyzdyń paıdasyna sheshildi. Ámına Baıbosynova dýbl avtory atansa, taǵy bir goldy Áıgerim Aıtymova soqty. Osyǵan deıin jerlesterimiz Lıhtenshteındi (4:0) utyp, Armenııadan (0:2) utylǵan. Lıýksembýrgke qarsy kezdesý teń aıaqtaldy (2:2).
- Nysana kózdeýden Argentına astanasy – Býenos-Aıreste ótip jatqan Álem kýboginde Nıkıta Chırıýkın jeńis tuǵyryna synyq súıem qalǵanda súrindi. 25 metrlik qashyqtyqtan tapansha atýda úndistandyq Vıdjaıvır Sıdhý, ıtalııalyq Rıkardo Mazettı, qytaılyq Iýıhao Iаnnan qalyp qoıyp, tórtinshi orynǵa taban tiredi.
- Osydan biraz ýaqyt buryn kórkem gımnastıkadan qazaqtyń ataqty sportshysy Álııa Iýsýpova elimizdiń ulttyq quramasynyń bas bapkerlik qyzmetinen óz erkimen ketkeni belgili. Keshe ǵana respýblıkamyzdyń bas komandasynyń tizginin kimniń ustaǵany belgili boldy. Ol – Lola Ádilbekova. Lola 2002 jyly Pýsanda alaýy tutanǵan Azııa oıyndarynyń komandalyq saıysynda qola júldeger atanyp, álem chempıonatyna qatysty. Birqatar elishilik, halyqaralyq týrnırlerde jeńis tuǵyryna kóterildi. Sporttyq mansabyn aıaqtaǵannan keıin, 2010 jyldan beri jattyqtyrýshylyq qyzmetpen aınalysyp keledi. Shymkent qalasynda eńbek etken onyń Eljana Tánıeva, Daıana Ábdirbekova, Roza Ábıtova, Mılana Parfılova syndy shákirtteri kóptegen dúbirli dodada daralandy.
- Malaızııada «World Junior Tennis Competition 14&under» týrnıriniń jerebesi tartyldy. Azııa men Muhıt jaǵalaýy aımaǵynda synǵa túsetin elimizdiń jastar quramasy Japonııa, Iran, Indonezııaǵa qarsy oınaıdy. Bul básekeler búgin bastalady. Atalǵan jarysta Aqmádı Mahanov, Haknazar Jetkerbaı, Beksultan Baýyrjanov el namysyn qorǵaıdy.
- Birinshi orta salmaqta judyryqtasyp júrgen qazaqtyń tanymal kásipqoı boksshysy Sadrıddın Ahmedov (15-0, 13 KO) 19 sáýirde AQSh-tyń Kalıfornııa shtatyndaǵy Kommers qalasynda ótetin jarystyń basty jekpe-jeginde meksıkalyq Elıas Espadaspen (23-6, 16 KO) aıqasady.
- Gongkongta úshsaıystyń sprınt túrinen Azııa chempıonaty óz máresine jetti. О́kinishke qaraı, jarys jerlesterimiz úshin sátsiz aıaqtaldy. Eń úzdik kórsetkishke Egor Krýpıakov qol jetkizip, 8-orynǵa turaqtady. О́zge sportshylarymyzdyń kórsetkishteri: Temirlan Temirov – 15, Aıan Beısenbaev – 16, Daryn Qonysbaev – 17, Arlan Jańabaı – 18, Dıana Erjanova – 19, Aleksandr Ten – 25, Meıirlan Ysqaqov – 29, Mılena Saprına – 17-oryn.
- Qytaıdyń Ýsı qalasynda semserlesýden jasóspirimder men jastar arasyndaǵy álem birinshiligi bastaldy. Dúbirli dodada el namysyn myna sportshylar qorǵaıdy: qylysh – Polına Ko, Nargız Saıdýllaeva, Ádemi Serikbaı, Qaısha Jánibek, Sultan Asylbekov, Qaınazar Nurkatuly, Sultan Stanbek, Nurmuhammed Jaılybaı, Ilıas Narıman. Shpaga – Natalıa Zınıakova, Bogdan Lýkın, Kırıll Prohodov, Nurjan Ábjanov, Georgıı Tınnıkov, Gabıdın Mustafın. Rapıra – Sofııa Aqtaeva, Polına Dolgopolova, Alıona Gnoeva, Alına Iskanderova, Tımofeı Semenov, Mansur Esteý, Vladıslav Bıdarev, Dıas Esirkepov. Jasóspirimder básekesinde Vladıslav Bıdarev, Mansur Esteý, Dıas Esirkepov, Injý Sátimbek, Alýa Muqanova (rapıra), Ulpan Májıt, Darıa Makarova, Aıbar Qaıym, Erhan Qaraman, Qanaǵat Sherimge (qylysh) senim artylyp otyr.
