Suhbat barysynda mınıstrler saıası, ekonomıkalyq jáne mádenı-gýmanıtarlyq salalardaǵy yntymaqtastyqty keńeıtý boıynsha birqatar mańyzdy máselelerdi talqylap, ekijaqty baılanystardy nyǵaıtýǵa erekshe kóńil bóldi.
Osy oraıda taraptar sharttyq-quqyqtyq bazany jetildirý jáne túrli deńgeılerde saparlarmen almasý tájirıbesin damytý boıynsha kúsh-jiger jumsaýǵa daıyn ekenin bildirdi.
«Geografııalyq qashyqtyqqa qaramastan biz senim men teńdikke negizdelgen yntymaqtastyq ornatýǵa qyzyǵýshylyq tanytýdamyz. Saýda, kólik jáne logıstıka, densaýlyq saqtaý, aýyl sharýashylyǵy jáne basqa da mańyzdy salalarda jemisti yntymaqtastyqqa zor áleýet bar», dep málimdedi M.Nurtileý.
Qazaqstannyń álemdegi eń iri on astyq óndirýshi eldiń biri jáne Transkaspıı halyqaralyq kólik baǵytyn paıdalanyp, astyq, dándi jáne maıly daqyldar, joǵary sapaly et jáne organıkalyq ónimderdi Afrıka elderine jetkizýge múddeli ekeni atalyp ótti.
Sonymen qatar mınıstrler aqparattyq tehnologııalar jáne sıfrlandyrý salasyndaǵy, onyń ishinde Ortalyq Azııadaǵy eń iri IT startap-park «Astana Hub» bazasyndaǵy yntymaqtastyqty talqylady. О́tken jyly osy salada memorandýmǵa qol qoıylyp, Qazaqstan «KazAID» agenttigi arqyly Serra-Leonemen e-Gov komponenttik elementterimen bólisti.
Qazaqstan SIM basshysy óz áriptesine Almatyda Ortalyq Azııa men Aýǵanstan úshin Ornyqty damý maqsattary boıynsha BUU О́ńirlik ortalyǵyn qurý týraly BUU Bas Assambleıasynyń rezolıýsııasyna qoldaý kórsetkeni jáne teń avtory bolǵany úshin alǵysyn bildirdi. Ol Astananyń turaqty damý salasynda ári qaraı yntymaqtastyqqa jáne halyqaralyq bastamalar sheńberinde belsendi serikttestikke daıyn ekenin atap ótti.
Mınıstrler halyqaralyq kún tártibindegi ózekti máseleler jóninde pikir almasty jáne túrli deńgeılerde kúsh-jigerdi úılestirýdi jalǵastyrýǵa kelisti.
Kelissózderdiń qorytyndysy boıynsha syrtqy saıası vedomstvolardyń basshylary eki taraptyń yntymaqtastyǵy jónindegi Jol kartasyna qol qoıdy.
