Jol bar jerde damý bar

Mun­daı magıstral qurylysy óńirlerdiń qarqyndy damýyna úl­k­en múmkindik týǵyzyp, tyń serpin beretin keshendi joba bolǵaly tur. Bul joba iske asyrylsa, Aqmola, Aqtóbe, Batys Qazaq­stan,Qos­ta­naı oblystaryndaǵy shalǵaı aýyldardyń ósip-órken­deýine jol ashylady, jańa óndiris nysandary qurylyp, turǵyndardy ju­mys­pen qamtý jaqsartylady. Túptep kelgende, bul halyqtyń ál-aýqa­tyn art­tyrýǵa, turmys jaǵdaıyn túzeýge oń yq­palyn tıgizedi. Ási­rese týyp-ósken jerimiz Torǵaı óńiriniń ekinshi tynysy ashylary sózsiz.

Osy jaǵymdy jańalyqty torǵaılyqtar kópten kútken oń ózge­ris­terdiń jarqyn da jasampaz bastamasy retinde qabyldap, eńsesi kóte­ri­­lip, qýanyshy qoınyna syımaı jatyr. Eń bastysy, jol bar jer­de damý bar, keleshek bar. Muny halyq jaqsy túsinedi. Úkimet Orta­lyq – Batys jol qurylysyn tezdetip, qajetti is-sharalardy bıyl bas­taýǵa mindettenip otyr. Mine, sol kúndi jerlesterimiz taǵat­syzdana kútedi.

Biz ult tarıhynda erekshe orny bar Alash kósemderiniń Otany – Torǵaı óńiri turǵyndarynyń atynan Memleket basshysyna Ortalyq – Batys jol qurylysyn bastaý týraly tarıhı sheshim qabyldaǵany úshin shynaıy alǵysymyzdy bildiremiz. Atalǵan ­magıstral táýelsiz elimizdiń tarıhyna altyn áriptermen jazylatynyna, Prezıdentimizdiń sarabdal saıasatynyń sáýletti eskertkishi bolatynyna senimdimiz. Qasym-Jomart Toqaevtyń Ádiletti Qazaqstan ornatý jolynda alǵa qoıyp otyrǵan uly maqsattaryna jetýine tilektespiz jáne jan-júregimizben qoldaý bildiremiz.

Abaı MUQANOV,

Qazaqstan Respýblıkasynyń qurmetti qurylysshysy,

Jánibek KENJEBAEV,

«Eýrazııa Invest» JShS bas dırektory,

Manat KARBOZOV,

«Syma-K» sharýa qojalyǵynyń basshysy,

taǵy 10 adam qol qoıǵan