Sýret: profit.kz
Oqýshylar braýzerdi «Kundelik» saıty arqyly tegin júkteı alady. Sonymen qatar portaldyń basty betinde «Iаndeks Izdeý» arqyly ınternetten aqparatty jyldam tabý múmkindigi paıda boldy.
«NeıroIzdeý» túrli pánderdiń suraqtaryna naqty ári qysqa jaýap beredi. Máselen, «Abaı qashan jáne qaıda týǵan?» nemese «Turaqty tok pen aınymaly toktyń aıyrmashylyǵy nede?» degen sııaqty suraqtarǵa lezde jaýap alýǵa bolady. Sonymen qatar jaýap alynǵan saıttarǵa siltemeler kórsetiledi, bul oqýshyny aqparattyń shynaıylyǵyn tekserip, taqyrypty tereńirek zertteýge úıretedi.
Budan bólek, JI-kómekshi matematıkadan 5-8 synyp oqýshylaryna arnalǵan esepterdi sheshýge kómektesedi. Ol daıyn jaýapty birden aıta salmaı, keńes berip, dıalog qurý arqyly oqýshyny durys sheshimge jeteleıdi. Bul tásil balanyń óz betinshe oılanýyna múmkindik beredi.
JI-aýdarmashy shet tilderin meńgerip júrgen oqýshylarǵa da paıdaly qural bolmaq. Ol 100-den astam tildi túsinedi jáne mátinderdi, qujattardy, saıttardy áp-sátte aýdarady. Neırojeliniń kómegimen beınemátinderdi qazaq jáne orys tilderine tárjimalaý múmkindigi de iske qosylǵan. Bul múmkindik «Coursera», «YouTube», «VK Vıdeo», «Vimeo» jáne «Twitch» platformalaryndaǵy beınejazbalardy qarapaıym ári túsinikti etedi.
Sonymen qatar «Iаndeks Kitaptar» qyzmetinde mektep baǵdarlamasyna engen ádebı shyǵarmalar men naqty ǵylymdarǵa arnalǵan basylymdar bólimi paıda boldy. Endi oqýshylar Abaı Qunanbaıuly, Ybyraı Altynsarın, Maǵjan Jumabaev, Sultanmahmut Toraıǵyrov, Berdibek Soqpaqbaevtyń shyǵarmalaryn elektrondyq formatta oqı alady.
