Almatyda qoqys óńdeý zaýyty salynady

Almaty qalasynda qoqys óńdeý zaýytyn salý jónindegi ınvestısııalyq jobany júzege asyrýǵa nazar aýdaryldy.

Kezdesýge qatysýshylar elimizde qaldyqtardy elektr energııasyna aınal­dyrýǵa baǵyttalǵan Waste-to-Energy tehnologııasyn engizýdiń keleshegin talqylady. Shanghai SUS Environment Co., Ltd. basqarma tóraǵasy Lýn Szıshen Almatydaǵy táýligine 2 myń tonnaǵa jýyq qaldyqty qaıta óńdeıtin jáne 60 MVt-ǵa deıin elektr energııasyn óndiretin qoqys óńdeý zaýytynyń jobasyn tanystyrdy. Tikeleı ınvestısııa kólemi 270 mln dollardy quraıdy.

Almaty qalasy ákimdiginiń málimetinshe, atalǵan zaýyttyń iske qosylýy megapolıstiń qatty turmystyq qaldyqtardy kádege ja­ra­týǵa degen qajettiligin ótep, 2029 jylǵa qaraı qaldyqtardy qaıta óńdeý úlesin 80%-ǵa deıin jetkizýge múmkindik beredi.

Lýn Szıshen kompanııanyń qaldyq­tardy energııa kózine aınaldyrý salasynda QHR-da kóshbasshy ekenin, onyń qytaı naryǵyndaǵy úlesi qazirdiń ózinde 40%-dy qurap otyrǵanyn aıtty. Sonymen qatar kompanııa birqatar elde qaıta óńdeý jáne ekologııalyq ónerkásiptik parkter baǵytynda 84 jobany júzege asyrdy. Qoldanylatyn tehnologııalar ekologııalyq qaýipsizdiktiń álemdik eń joǵary standarttaryna sáıkes keledi.

Premer-mınıstr halyq sany men qajettilikterdiń ósýi jaǵdaıynda ekologııa máselelerin sheshýdiń mańyz­dylyǵyn atap ótti.

«Prezıdent Qasym-Jomart Toqaev aldymyzǵa 2029 jylǵa qaraı kommýnaldyq qaldyqtardy qaıta óńdeý kólemin 38%-ǵa jetkizý min­detin qoıdy. Jyl saıyn eli­mizde 4,5 mln tonnadan astam kom­mýnaldyq qaldyq túziledi. Sondyqtan qoqys óńdeý zaýytyn salý – qajetti joba.

Elektr energııasyn óndi­rý arqyly qaldyqtardy ekolo­gııalyq kádege jaratý qaıta óńdeýdi damytýdaǵy mańyzdy qadam bolmaq. Úkimet atalǵan jobany maqul­dap, qajetti qoldaý kórsetýge daıyn. Biz baıypty ınvestorlarmen uzaqmerzimdi yntymaqtastyqqa múddelimiz», dep atap ótti O.Bektenov.

Salalyq mınıstrlikter men Almaty qalasynyń ákim­digine eki apta merziminde zaýyt qurylysyn osy jyldyń maýsym aıynda bastaý úshin Investısııalar týra­ly kelisim­niń jobasyn daıyndaýdy qam­tamasyz etý tapsyryldy.

Sonymen qatar kezdesý barysynda kadr daıarlaý máselesi de sóz boldy. Joba aıasynda 500 jumys orny, onyń ishinde  100 turaqty jumys orny ashylady. Lýn Szıshen jergilikti mamandar jumysqa basym tártippen tartylatynyn atap ótti.