Foto: nytimes.com
Qutqarýshylar Nıý-Djersı shtatynyń Djersı-Sıtı mańynda apatqa ushyraǵan tikushaqtyń bólikterin qalpyna keltirip jatyr.
Apattan Siemens tehnologııalyq kompanııasynyń ıspandyq fılıalynyń prezıdenti Agýstın Eskobar men onyń áıeli jáne úsh balasy mert bolǵany habarlandy.
Tikushaqty New York Helicopter atty jergilikti týrıstik kompanııa basqarǵan, ol týrısterge birneshe júz dollarǵa nebári 15 mınýt ishinde qalanyń kórikti jerlerin – Ortalyq saıabaqty, Bostandyq músinin joǵarydan kórýge múmkindik beredi.
Apatqa baılanysty Djersı-Sıtı qalasynyń tótenshe jaǵdaılar basqarmasy tergeý júrgizip jatyr. Kýágerlerdiń aıtýynsha, aspanda qatty gúrs etken dybys estilgen soń tikushaqtyń qulap bara jatqanyn kórgen. Qulaǵan synyqtar jaqyn mańdaǵy qaıyqtarda bolǵan adamdardyń záresin alǵan.
AQSh prezıdenti Donald Tramp Truth Social jelisinde tikushaq apatynan qaza bolǵandardyń otbasylary men jaqyndaryna kóńil aıtqan. Ol eldiń kólik mınıstri Shon Daffı bastaǵan mamandar oqıǵany zerttep jatqanyn jáne jaqyn arada resmı málimdeme jasalatynyn jetkizdi.
