«Sátbaev sakýrasynyń» tarıhy áriden bastalady. Tuńǵysh kásibı ınjener-geolog, ǵylym doktory, KSRO Ǵylym akademııasynyń alǵashqy akademıgi, Qazaq KSR Ǵylym akademııasynyń negizin qalap, ony basqarǵan iri tulǵa Qanysh Sátbaevtyń qurmetine kezinde akademııanyń janyna egilgen sakýralar áli de gúldep tur.
Osy dástúrli sharany jalǵastyrǵan ǵalymdar Ulttyq ǵylym akademııasynyń ishki aýlasynda erekshe sımvoldyq mánge ıe bolyp turǵan «Sátbaev sakýralaryn» jańǵyrtyp, el ǵylymynyń damýyna úles qosqan tulǵalar rýhyna taǵzym etti.
Saltanatty sharaǵa akademıkter, depýtattar, japondyq delegasııa músheleri, ǵylymı qoǵamdastyq belsendileri, demeýshi kásipkerler qatysty.
