Sýret: primeminister.kz
Aýyl sharýashylyǵy vıse-mınıstri Baǵlan Bekbaýov aýyl sharýashylyǵy taýaryn óndirýshilerge sýbsıdııa tóleý úshin qoldanystaǵy Sýbsıdııalaýdyń biryńǵaı memlekettik aqparattyq júıesi (SMAJ) negizinde biryńǵaı salalyq sıfrlyq platforma qurýdy usyndy.
Onyń aıtýynsha, qazirgi ýaqytta fermerler sýbsıdııalardy úsh túrli memlekettik organnan jáne úsh túrli aqparattyq júıe arqyly alyp otyr: AShM, SIM, al jaqyn arada SDIAО́M-de fermerlerge ınternet paıdalaný boıynsha sýbsıdııalaý júıesin iske qosý josparlanyp otyr. Ártúrli júıede jumys isteý paıdalanýshylar úshin qıyndyqtar týǵyzýda. Vıse-mınıstr barlyq júrgizilgen jáne aıaqtalyp jatqan ıntegrasııalardy eskere otyryp, Sýbsıdııalaýdyń biryńǵaı memlekettik aqparattyq júıesi (SMAJ) AО́K salasyndaǵy barlyq qyzmetterge sýbsıdııa berýdiń biryńǵaı salalyq platformasy bolýǵa daıyn ekenin málimdedi.
Fermerlerden sýbsıdııa tóleý úderisiniń uzaqqa sozylýyna baılanysty kelip túsken kóptegen ótinishti eskere otyryp, vıse-premer aýyl sharýashylyǵy mınıstrligine SMAJ júıesinde jylǵa bólingen qarjy sheńberinde sýbsıdııa tóleý ótinimderiniń elektrondyq kezegin qalyptastyrý múmkindigin iske asyrýdy tapsyrdy. Jańa jańartýlar memleket tarapynan fermerlerdi qoldaýǵa bólingen jyldyq bıýdjetti avtomatty túrde eseptep, kelesi kezeńge kezek qalyptastyryp otyrýǵa tıis. Bul rette bıylǵa qaryz qaldyrylmaıdy.
Taǵy bir mańyzdy sıfrlyq jańalyq – aýyl sharýashylyǵy tehnıkasyn «Azamattarǵa arnalǵan úkimet» memlekettik korporasııasynyń biryńǵaı sıfrlyq platformasynda («HQO 2.0» AJ) esepke alý júıesin engizý. Bul aýyl sharýashylyǵy tehnıkasyn arnaıy HQO-larda tirkeýge múmkindik beredi.
«О́tken jyly Almaty men Qostanaıda «HQO 2.0» AJ ázirlengen fýnksıonalynda mashınalardy bastapqy tirkeý boıynsha qanatqaqty joba sátti iske asyryldy, dedi B.Bekbaýov.
«Azamattarǵa arnalǵan úkimet» korporasııasymen birlesip, bes túrli memlekettik qyzmetti kezeń-kezeńimen júzege asyrý jospary ázirlendi: qaıta tirkeý, esepten shyǵarý, nómirlik belgilerdi alý, aýyl sharýashylyǵy tehnıkasy týraly derekterdi ózektendirý, kepilder týraly anyqtamalar berý.
Keńeste ósimdik sharýashylyǵyndaǵy baqylaý júıesin (О́ShBJ) engizý barysy da qaraldy. Júıe astyqpen jasalatyn operasııalarǵa – egistik alqabynan bastap daıyn ónimge deıin baǵyttalǵan. Ol onyń saqtalýy men satylý jolyn, eksporttyq operasııalarǵa deıingi úderisterdi qadaǵalaýǵa múmkindik beredi. Uqsas tásil aýyl sharýashylyǵy ónimderin ımporttaý kezinde de qoldanylady, bul «kóleńkeli» shemalardy joıýǵa kómektesedi.
«Bıyl jyl basynan bastap Aqmola oblysynda júıeni testileýge arnalǵan qanatqaqty joba iske qosyldy. Onda paıdalanýshylardyń avtorızasııasy men júıemen jumys isteý fýnksıonaly qamtylǵan», dep atap ótti vıse-mınıstr.
Aýyl sharýashylyǵy taýaryn óndirýshiler men aýyl sharýashylyǵy basqarmalarynyń qyzmetkerlerine arnalǵan oqytý is-sharalary ótkizildi. Qazirde qanatqaqty jobaǵa 100-den astam adam qatysýda, olardyń qatarynda aýyl sharýashylyǵy ónimderin óndirýshiler, saqtaý jáne satý prosesimen aınalysatyndar bar. Júıeni respýblıka boıynsha iske qosý bıyl qyrkúıek aıyna josparlanǵan.
Egis alqaptarynyń naqty kólemi, óńdelgen jerler men ónim jınaý týraly derekterdi alý maqsatynda О́ShBJ júıesinde «Qazaqstan ǵarysh sapary» AQ áleýeti paıdalanylatyn bolady.
