Is-sharada Qazaq ulttyq qyzdar pedagogıkalyq ýnıversıteti Dırektorlar keńesiniń Tóraǵasy, memleket jáne qoǵam qaıratkeri, ekonomıka ǵylymdarynyń doktory О́ksikbaev Omarhan Nurtaıuly jáne ýnıversıtettiń Basqarma Tóraǵasy – Rektory Gúlmıra Qanaı ǵylymı qaýymdastyqty kásibı merekemen quttyqtady.
«Ǵalymdar – bul álemdegi ınnovasııanyń, ilgeri damýdyń jáne jańarýdyń shyńynda turatyn tulǵalar. Jańalyq ashýshy, eldiń ósip-órkendeýine, jańa tehnologııalardyń damýyna bastaý berýshi – ǵalymdardyń eńbegi. Qazaq ulttyq qyzdar pedagogıkalyq ýnıversıtetin ǵalymdar ordasy desem, artyq aıtqanym emes. Sebebi bul bilim ordasynda ár salanyń ǵalymdary ǵylymǵa bet buryp, ómirlerin osy jolǵa arnaǵan. Olar óz eńbekterin ǵylymdy damytýǵa baǵyttaǵan. Ýnıversıtettiń Dırektorlar keńesi men Basqarmasy da bul salada aıanbaı eńbek etýde. Búginde ýnıversıtet qabyrǵasynda zamanaýı zerthanalar ashylyp, ǵalymdarǵa ǵylymı zertteýler júrgizýge úlken múmkindikter jasaldy. Ǵalymdarymyzdyń eldiń órkendeýine óz úlesterin qosyp, artylǵan úmitti aqtaıtynyna senimdimin», – dedi Dırektorlar keńesiniń Tóraǵasy Omarhan О́ksikbaev.
Is-shara barysynda ýnıversıtettiń ǵylymı jetistikteri tanystyrylyp, stýdentter ǵylymı eksperımentter men ǵylymı jumystar kórmesin usyndy. Sonymen qatar ǵylymǵa eleýli úles qosqan úzdik ǵalymdar Ǵylym jáne joǵary bilim mınıstrliginiń Qurmet gramotasymen, ýnıversıtettiń damýyna qosqan úlesi úshin tósbelgisimen, Ahmet Baıtursynuly tósbelgisimen, Ǵylym úzdigi qurmet dıplomymen, sondaı-aq Ǵylym jáne joǵary bilim mınıstrliginiń Alǵys hatymen marapattaldy.
Ǵylymı sharanyń qadirli qonaǵy retinde arnaıy shaqyrylǵan fızıka-matematıka ǵylymdarynyń doktory, QR Ulttyq ǵylym akademııasynyń akademıgi, professor, QR Ulttyq ǵylym akademııasynyń vıse-prezıdenti Jumadildaev Asqar Serqululy ǵylymnyń damýy el bolashaǵy úshin asa mańyzdy ekenin basa aıtyp, jas ǵalymdardyń bastamalaryna zor senim bildirdi. Ol stýdentterdiń ǵylymı jobalaryn joǵary baǵalap, olardyń izdenisi men ǵylymǵa degen qulshynysynyń qýantarlyq ekenin erekshe atap ótti.
«Búgingi kúnniń mańyzy zor. Ýnıversıtet qabyrǵasynda aýyz toltyryp aıtarlyqtaı ıgi ister atqarylyp jatqanyn kórip qýandym. Stýdentterdiń shara aıasynda usynǵan ǵylymı jobalarymen tanystym. Jastardyń ǵylymǵa degen qulshynysy meni erekshe qýantyp otyr. Aldaǵy ýaqytta Ǵylym akademııasy men Qazaq ulttyq qyzdar pedagogıkalyq ýnıversıteti birlese jumys isteıdi degen úmitim zor. Qazaq ǵylymy órkendeı bersin! Mereke qutty bolsyn!» – dedi Asqar Jumadildaev.
Bul shara ǵylym men bilim salasynyń damýyna zor úles qosqan ǵalymdarǵa degen qurmet pen yqylastyń aıqyn kórinisi boldy. Ýnıversıtet basshylyǵy aldaǵy ýaqytta da ǵylymı zertteýler men jańa ıdeıalar arqyly elimizdiń órkendeýine óz úlesterin qosatyn mamandardy tárbıeleýge daıyn ekendigin jetkizdi.
