Mádenıet • 14 Sáýir, 2025

Erevanda Qazaqstannyń mádenı kúnderi ótedi

0 ret

kórsetildi

1 mın

oqý úshin

18-19 sáýir kúnderi Erevan qalasy qazaq mádenıetiniń ortalyǵyna aınalady. Armenııa astanasynda Qazaqstan Respýblıkasynyń Mádenıet kúnderi ótedi. Eki kúnge sozylatyn aýqymdy sharada elimizdiń óneri men mádenıeti keńinen tanystyrylady, dep habarlaıdy Egemen.kz.

Qyrmyzy JUMAǴALIQYZY

Erevanda Qazaqstannyń mádenı kúnderi ótedi

Foto: Ashyq derekkóz

Is-sharaǵa Qazaqstan Respýblıkasynyń Mádenıet jáne aqparat mınıstri Aıda Balaeva men Armenııanyń bilim, ǵylym, mádenıet jáne sport mınıstri Janna Andreasıan qatysady. Sonymen qatar, jıynǵa eki eldiń zııaly qaýym ókilderi, jazýshylar, ǵalymdar, dıplomattar men qazaq dıasporasynyń músheleri shaqyrylǵan.

Mádenı kúnderdiń aıasynda otandyq rejısserlerdiń fılmderi kórsetilip, Gala-konsert uıymdastyrý josparlanǵan.

Konsertte Qazaqstannyń halyq ártisi Roza Rymbaeva, eńbek sińirgen qaıratkerler Aleksandr Belıakov pen Áıgerim Beketaeva, sondaı-aq «Daryn» memlekettik jastar syılyǵynyń ıegerleri Rasýl Jarmaǵambetov pen Asqar Muqııat jáne basqa da juldyzdar óner kórsetedi.

Esterińizge sala keteıik, Armenııanyń mádenı kúnderi Qazaqstanda 2024 jyldyń qazan aıynda Astana qalasynda ótken bolatyn.