Qazaqstan Respýblıkasy Bilim jáne ǵylym mınıstrliginiń buıryǵy  №388 

2014 jylǵy 23 qyrkúıek, Astana qalasy Pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa ómir boıyna tyıym salý týraly sot úkimin oryndaý qaǵıdalaryn bekitý týraly Qazaqstan Respýblıkasynyń Qylmystyq-atqarý kodeksiniń 72-babynyń 1-tarmaǵyn iske asyrý maqsatynda buıyramyn: 1. Qosa berilip otyrǵan Pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa ómir boıyna tyıym salý týraly sot úkimin oryndaý qaǵıdalary bekitilsin. 2. Mektepke deıingi jáne orta bilim, aqparattyq tehnologııalar departamenti (J.A. Jontaeva): 1) osy buıryqtyń belgilengen tártipte Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqty merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy qamtamasyz etsin; 3) osy buıryqty oblystar, Astana jáne Almaty qalalary bilim basqarmalarynyń nazarlaryna jetkizsin. 3. Osy buıryqtyń oryndalýyn baqylaý bilim jáne ǵylym vıse-mınıstri E.N. Imanǵalıevke júktelsin. 4. Osy buıryq 2015 jylǵy 1 qańtardan bastap qoldanysqa engiziledi jáne resmı jarııalanýy tıis. Mınıstr A.SÁRINJIPOV. Qazaqstan Respýblıkasy Bilim jáne ǵylym mınıstriniń 2014 jylǵy 23 qyrkúıektegi №388 buıryǵymen bekitilgen Pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa ómir boıyna tyıym salý týraly sot úkimin oryndaý qaǵıdalary 1. Jalpy erejeler 1. Pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa ómir boıyna tyıym salý týraly sot úkimin oryndaý qaǵıdalary (budan ári – Qaǵıdalar) Qazaqstan Respýblıkasynyń 2014 jylǵy 5 shildedegi № 234 Qylmystyq-atqarý kodeksiniń 72-babynyń 1-tarmaǵyn iske asyrý maqsatynda ázirlengen. 2. Osy Qaǵıdalardaǵy uıymdar degenimiz «Bilim týraly» Qazaqstan Respýblıkasy Zańynyń 40-babynyń 4-tarmaǵynda anyqtalǵan uıymdar bolyp qabyldanady. 3. Osy Qaǵıdalar pedagog laýazymyn jáne kámeletke tolmaǵandarmen jumys isteýge baılanys­ty laýazymdardy atqarýǵa ómir boıyna tyıym salý týraly sot úkimin oryndaý tártibin aıqyndaıdy. 2. Pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa tyıymnyń oryndalý tártibi 4. Menshik nysanyna qaramastan uıymnyń basshysy (budan ári – basshy) pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa qabyldaý kezinde tulǵalardan Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý komıtetine esebi boyınsha olardyń qylmys jasaǵan týraly málimettiń bar ne joq ekeni týraly aqparat suratady. 5. Basshy tulǵalardy jumysqa qabyldaý týraly sheshim shyǵarǵanǵa deıin kúntizbelik 7 kúnniń ishinde Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń aýmaqtyq organdarynan kandıdattyń pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa ómir boıyna tyıym salynǵan shekteýleriniń bar-joǵy týraly málimettiń durystyǵyn tekseredi. 6. Basshy kúntizbelik bir kún ishinde: 1) qyzmetkerdiń pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýyna tyıym salý týraly zańdy kúshine engen sot úkiminiń kóshirmesin alǵanda; 2) pedagog qyzmetkerdiń pedagog laýazymyn atqarý quqyǵynan aıyrylǵandyǵy týraly sot úkiminiń bar ekeni nemese jasyrylǵany anyqtalǵan jaǵdaıda ońy atqaryp otyrǵan laýazymynan bosady. Bul rette pedagog qyzmetkerge kámeletke tolmaǵandarmen júmys isteýge baılanysty ózge jumys usynylmaýy tıis. 7. Basshy sottyń úkimimen pedagog laýazymyn atqarýyna shekteý qoıylǵan qyzmetkermen jasalǵan eńbek shartyn buzý kúntizbelik jeti kún ishinde kezinde qabyldanǵan sharalar týraly bilim berý salasyndaǵy jáne ishki ister organdarynyń qylmystyq-atqarý júıesindegi jergilikti organdarǵa habarlaıdy. 8. Basshy jylyna bir ret pedagog qyzmetkerlerdiń pedagog laýazymyn jáne kámeletke tolmaǵandarmen jumys isteýge baılanysty laýazymdardy atqarýǵa ómir boıyna tyıym salynǵan shekteýleriniń bar-joǵy týraly málimetti Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý komıtetiniń aýmaqtyq organdarymen turǵylyqty jeri boıynsha probasııa qyzmetinen salystyryp tekserip otyrýǵa mindetti. 9. Basshy Qazaqstan Respýblıkasy Eńbek kodeksiniń 26-babynyń 3-tarmaǵyna sáıkes sottyń zańdy kúshine engen úkimine sáıkes belgili bir laýazymǵa turý nemese belgili bir qyzmetpen shuǵyldaný quqyǵynan aıyrylǵan azamattarmen eńbek shartyn jasaspaýy tıis. Buıryq Qazaqstan Respýblıkasynyń Ádilet mınıstrliginde 2014 jylǵy 23 qazanda Normatıvtik quqyqtyq kesimderdi memlekettik tirkeýdiń tizilimine №9821 bolyp engizildi.