Foto: pixabay.com
Tek bala týǵanda beriletin járdemaqy týraly aıtar bolsaq, bıyl 86,5 myń adamǵa respýblıkalyq bıýdjetten barlyǵy 15,6 mlrd teńge qaralǵan. О́tken naýryz aıynda 4,5 mlrd teńgeni 24,6 myń adam alǵan. Al 1,5 jasqa tolǵanǵa deıin bala kútimi boıynsha járdemaqymen 123 myń adam qamtylsa, naýryzda 123 myń adamǵa 3,6 mlrd teńge tólengen.
Esterińizge salaıyq, járdemaqyǵa bala týǵan, asyrap alǵan, qamqorlyqqa alǵan balalary bar el azamattary, qandastar, sondaı-aq elimizde turaqty turatyn sheteldikter úmitker bola alady.
Bala týýyna jáne kútimine arnalǵan memlekettik járdemaqylardyń mólsheri respýblıkalyq bıýdjet týraly zańmen tıisti qarjy jylyna bekitilgen aılyq eseptik kórsetkishke (AEK) baılanysty belgilenedi. 2025 jyldyń basynan memlekettik járdemaqylardyń mólsheri 6,5%-ǵa ındekstelgen.
Bala týýyna arnalǵan járdemaqy mólsheri:
– birinshi, ekinshi, úshinshi balaǵa – 38 AEK nemese 149 416 teńge;
– tórtinshi jáne odan keıingi balalarǵa – 63 AEK nemese 247 716 teńge.
Bala 1,5 jasqa tolǵanǵa deıin onyń kútimine baılanysty tólenetin járdemaqy aı saıyn kelesideı mólsherde tólenedi:
– birinshi balaǵa – 5,76 AEK nemese 22 648 teńge;
– ekinshi balaǵa – 6,81 AEK nemese 26 777 teńge;
– úshinshi balaǵa – 7,85 AEK nemese 30 866 teńge;
– tórtinshi jáne odan keıingi balalarǵa – 8,90 AEK nemese 34 995 teńge.
