Foto: Astana qalasynyń ákimdigi
Onyń aıtýynsha, elordanyń damýy úshin jeke ınvestısııalardy tartý jumystary jalǵastyrylady.
«Bul qala ekonomıkasynyń ornyqty damýyn qamtamasyz etip qana qoımaı, turaqty jumys oryndaryn ashýǵa múmkindik beredi. Mysaly, 2024 jyly qala ekonomıkasyna 2 trln teńgege jýyq ınvestısııa tartyldy, bul 2023 jylǵy kórsetkishten artyq», dep jazdy Jeńis Qasymbek.
Sonymen qatar ınvestısııalyq shtab otyrysynda ınvestorlardyń birqatar usynystary qaraldy. Mysaly, olardyń qatarynda metall konstrýksııalaryn óndiretin jáne temirjol kóligine servıstik qyzmet kórsetetin zaýyttyń, jıhaz daıyndaıtyn óndiristik keshenniń, medısınalyq qolǵap shyǵaratyn zaýyttyń qurylysy bar.
«Sondaı-aq, A+ klasty kólik-logıstıkalyq ortalyǵyn, 460 oryndyq balabaqshany, tyńaıtqyshtar men pestısıdter óndiretin agrohımııalyq keshendi jáne t.b. salýdy qamtıtyn jobalardy qarastyrdyq. Joǵaryda atalǵan jobalar shamamen 1500 jumys ornyn ashýǵa múmkindik beredi. О́ńirlik ınvestısııalyq shtab otyrystaryn turaqty negizde ótkizemiz. Jaýapty basqarmalarǵa ınvestorlarmen tyǵyz jumys isteýdi jáne olarǵa jan-jaqty qoldaý kórsetýdi tapsyrdym», dep jazdy qala ákimi.
