«Disney Wiki» saıtynyń málimetinshe, 1977 jyldan bastap áıgili Mıkkı Maýsty dybystaǵan amerıkalyq akter Ýeın Ollvaın bul róldi 32 jyl boıy úzdiksiz somdap kelgen. 1991 jyly ol mýltfılmdegi Mıkkıdiń súıiktisi – Mınnı Maýstyń daýysyn dybystaǵan aktrısa Rýssı Teılorǵa úılenedi. Osylaısha, ekrandaǵy qos ǵashyq shynaıy ómirde de úlgili jupqa aınalady. Keıin erli-zaıyptylar túrli jobalarda qatar eńbek etip, anımasııa salasyna zor úles qosty.
Aıtpaqshy… Mıkkı men Mınnı Maýs — álemge áıgili mýltfılm keıipkerleri. Olardyń tarıhy men erekshelikteri týraly kópshilik bile bermeıtin qyzyqty derekter bar.
- Mıkkı Maýs bastapqyda «Mortımer» dep atalǵan. Alaıda Ýolt Dısneıdiń jubaıy Lılıan bul ataýdy tym resmı dep qabyldap, ony «Mıkkı» dep ózgertýge keńes bergen.
- Mıkkı Maýs alǵash ret 1928 jyly 18 qarashada «Steamboat Willie» mýltfılminde kórermenge usynyldy. Sol kúnnen bastap bul data onyń «týǵan kúni» retinde atalyp ótedi.
- Mıkkı Maýs mýltfılm álemindegi alǵash sóılegen keıipker boldy. Onyń alǵashqy sózi — «Hot dogs!»
- Mıkkıdiń aq qolǵap kııýiniń sebebi, Ýolt Dısneı balalarǵa tyshqannyń tyrnaqtary tym óreskel bolady dep oılaǵan. Al aq qolǵap kerisinshe tyshqandy súıkimdi etip kórsetedi.
- Mıkkı Maýs ár elde ártúrli atalady: Italııada — Topolıno, Fınlıandııada — Mıkkı Hırrı, Fransııada — Mıshel Sorıs, Japonııada — Mıkkı Maýsý degen sekildi.
- Mınnı Maýs 1920-jyldardaǵy sán úlgisin beıneleıtin «flapper girl» stılinde jasalǵan. Onyń qyzyl núkteli kóılegi men úlken bantıgi sán áleminde tanymal sımvolǵa aınaldy.
